آنایاسا دییشیک‌لیگی تکلیفی‌نین 6،7 و 8-جی مادده‌لری قبول ائدیلدی
تورکیه بؤیوک میللت مجلیسینده آنایاسا دییشیک‌لیک‌لری باره‌ده تکلیف‌لرین موذاکیره‌سی داوام ائدیر.
آنایاسا دییشیک‌لیگی تکلیفی‌نین 6،7 و 8-جی مادده‌لری تورکیه بویوک میللت مجلیسینده قبول ائدیلدی
تکلیفین 6-جی مادده‌سی137 رد سسینه قارشیلیق 343 سسله قبول ائدیلدی.
6 -جی مادده مجلیسین نظارت سلاحیتلرینی یئنی‌دن دوزنله‌یر. بونا گؤره، باش ناظیر، ناظیرلر شوراسی و گن سورو( استیضاح) ایفاده‌لری آنایاسادان چیخاریلیر.
نظارت یول‌لاری، "مجلیس آراشدیرماسی، مجلیس سوروشدورماسی، عمومی گؤروش و یازی‌لی سوال" اولا‌راق معینلشدیریلیر.
تکلیفین 7-جی مادده‌سی ایسه 340 سسله قبول ائدیلدی.
بو مادده‌ده پارتیلی جمهورباشقانی اولماغین یولو آچیلیر.
جمهورباشقانی نامیزدلرینده اولماسی لازیم اولان خصوصیت‌لر و جمهورباشقان‌لیغی سئچکی‌سی‌نین نئجه کئچیریله جگی نظرده توتولوب.
تکلیفین 8-جی مادده‌سی ده 340 سسله قبول ائدیلدی.
ماده‌یه اساساً، جمهورباشقانی "دؤولتین و یوروتمه‌نین باشی" اولا‌راق تانیملانیر.
جمهورباشقانینا قانوندا آچیق شکیلده دوزنلنن دوروم‌لار خاریج یوروتمه ایله باغلی فرمان وئرمه سلاحیتی وئریلیر.
مادده‌یه گؤره جمهورباشقانی، یاردیمجیلارینی و ناظیرلری تعیین ائده‌جک، وظیفه‌لرینه سون قویا بیله‌جک.
