آمریکا: پ‌کاکا ترور هؤرگوتودور
"تورکیه‌نی و تورکیه‌نین ترورا قارشی وئردیگی مباریزنی دستکله‌ییریک"
آمریکا خاریجی ایشلر باخانلیغی سؤزچوسو جان کربی، بؤلوجو ترور هؤرگوتو پ‌کاکانین تورکیه‌یه قارشی بؤلگه‌سل تهلوکه اولماغی داوام ائتدیردیگینی آچیقلادی.
کربی:
"تورکیه‌نی و تورکیه‌نین ترورا قارشی وئردیگی مباریزنی دستکله‌ییریک" دئدی.
جان کربی، گونده‌لیک مطبوعات کنفرانسیندا، عراقین قوزئی باتیسیندا بیر سیراداغ اولان سینجاردا سئپاراتچی بؤلوجو ترور هؤرگوتو پ‌کاکانین وارلیغینا باغلی سوال‌لاری جاوابلادی.
آمریکانین پ‌کاکانی ترور هؤرگوتو اولا‌راق تانیملادیغینی خاطیرلا‌دان کربی،
"پ‌کاکا بیزیم اوچون ترور هؤرگوتو ایستاتوسوندا اولماغا داوام ائتمکده‌دیر" دئدی.
خاریجی ایشلر باخانلیغی سؤزچوسو، 16 دسامبرداکی آچیقلاماسیندا دا پ‌کاکانین آمریکا طرفین‌دن ترور هؤرگوتو اولا‌راق بللی اولونان بیر قورولوش اولدوغونا دقت چکه‌رک؛
"پ‌کاکانین سینجاردا هر هانسی بیر رول اویناماماسی لازیم" دئمیشدی.
باشباخان بینا‌لی ییلدیریم دا هفته سونوندا گرچکلشدیردیگی عراق سفری‌نین آردین‌دان،
"سینجار بؤلگه‌سینده پ‌کاکانین قونوشلانماسی، تورکیه‌نین میلی گوونلیک مسئله‌سی‌دیر. بو مسئله‌نی ده ائنینه بویونا دانیشدیق. یا عراق و پئشمرگه گوج‌لری بورا‌دان پ‌کاکا‌لی‌لاری چیخارا‌جاق یا دا تورکیه گریینی ائده‌جک" دئمیشدی.
پرزیدنت رجب طیب اردوغان دا، باشباخان ییلدیریمین عراق سفری اؤنجه‌سینده بئش‌تپه مدنیت و کنگره مرکزینده تشکیل ائدیلن غازی و شهید یاخین‌لاری آتاما مراسیمینده سینجارا دقت چکمیشدی.
اردوغان، بؤلوجو ترور هؤرگوتو پ‌کاکانین سینجاری یئنی بیر قندیل ائتمه‌یی پلانلاشدیردیغینی، بو وضعیته ایجازه وئریلمه‌یه‌جگینی سؤیله‌میشدی.
