محمت شیمشک: تورکیهده و دونیادا ریفاه آرتماغا داوام ائدجک
محمت شیمشک، مستقیل صنایعچی و ایش آداملاری درنگینین (موسیاد) ایستانبولدا یئنی عمومی مرکز کومپلکسینین تیکینتی ساحهسینده تشکیل ائدیلن گئنیشلدیلمیش باشقانلار کونفرانسیندا دانیشدی
![محمت شیمشک: تورکیهده و دونیادا ریفاه آرتماغا داوام ائدجک](http://cdn.trt.net.tr/images/xlarge/rectangle/5daf/c62b/f82f/586e5370b31b8.jpg?time=1718519903)
تورکیه باش ناظیر معاوینی محمت شیمشک، تورکیهده و دونیادا، قلوبال بحران اوّلی قدر گوجلو اولماسا دا، ریفاهین آرتماغا داوام ائدجگینی سؤیلهدی.
محمت شیمشک، مستقیل صنایعچی و ایش آداملاری درنگینین (موسیاد) ایستانبولدا یئنی عمومی مرکز کومپلکسینین تیکینتی ساحهسینده تشکیل ائدیلن گئنیشلدیلمیش باشقانلار کونفرانسیندا دانیشدی.
تورک ایقتیصادینین قارشی-قارشییا قالدیغی بؤیوک سارسینتیلارا قارشی بؤیوک بیر مقاومت گؤستردیگینی ایفاده ائدن شیمشک، 2007-جی ایل سونراسی 4 سئچیم، قلوبال اقتصادی بحران، کودتا گیریشیمی، ترور و کؤچ کیمی شوکلارین یاشاندیغینی، تورکیهنین 2008-2015، 2016 دؤورونده بوتون بونلارا باخمایاراق بؤیومهیه، ایستیخدام تامین ائتمهیه داوام ائتدیگینی وورغولادی.
اینکیشاف ائتمکده اولان اؤلکهلردن قلوبال سرمایه چیخیشینین سؤز موضوعسو اولدوغونو و بونون دا یئنی بیر شئی اولمادیغینی ایفاده ائدن شیمشک، تورک ایقتیصادینین سرمایه چیخیشینا قارشی دا مقاومتلی اولدوغونو ایفاده ائتدی.