ایبراهیم قالین: 24 نوامبردا سوریهنین الباب بؤلگهسینده تورک عسگرلرینه اسد رژیمی سالدیریدی
ایبراهیم قالین، پرزیدنت ساراییندا تشکیل ائتدیگی مطبوعات کونفرانسیندا، گوندمدکی موضوعلارلا باغلی آچیقلاما وئردی و ژورنالیستلرین سواللارینی جوابلادی
![ایبراهیم قالین: 24 نوامبردا سوریهنین الباب بؤلگهسینده تورک عسگرلرینه اسد رژیمی سالدیریدی](http://cdn.trt.net.tr/images/xlarge/rectangle/bcab/fd84/fc93/5849443798b7d.jpg?time=1718509647)
پرزیدنت سؤزچوسو ایبراهیم قالین، 24 نوامبردا سوریهنین الباب بؤلگهسینده تورک عسگرلرینه ائدیلن سالدیرینین رژیم طرفیندن رئاللاشدیریلدیغینی سؤیلهدی.
ایبراهیم قالین، پرزیدنت ساراییندا تشکیل ائتدیگی مطبوعات کونفرانسیندا، گوندمدکی موضوعلارلا باغلی آچیقلاما وئردی و ژورنالیستلرین سواللارینی جوابلادی.
24 آوقوستدا باشلایان فیرات قالخانی حرکاتینین پلانلاندیغی شکیلده و قرارلی بیر شکیلده داوام ائتمکده اولدوغونو ایفاده ائدن قالین؛
"خصوصیله الباب ایچریسینده داعش ترور تشکیلاتینین ائتدیگی بؤیوک ییغیناقدا اؤتورو ده بورادا چوخ دقتلی حرکت ائدیلمهسی بؤیوک اهمیت کسب ائدیر. بو آن اعتباریله تقریباً مین 800 کیلومتر مربعلیک بیر بؤلگه، جرابلوسدان آعزاز و آعزازین جنوبونا، الباب بؤلگهسینه قدر، تروردان تامامیله تمیزلنمیش وضعیتدهدیر. بؤلگهده عسگرلریمیزین دؤنوک سالدیری سوریه رژیمی طرفیندن ائدیلمیشدیر. بو موضوعدا بیزیم الیمیزدکی معلوماتلار بو شکیلدهدیر. بو دا رژیمین سوریهده، حلبده، البابدا و دیگر بوتون بؤلگهلرده اصل نیتینین نه اولدوغونو آچیق بیر شکلیده تکرارن اورتایا قویماقدادیر. " دئدی.
قالین، حلبده یاشانان حادثهلرین ایسه جیدی قایغیلارا یول آچدیغینی ایفاده ائدهرک؛
"رژیم، حلبده آچیقجا بیر اینسانلیق گوناهی و ساواشان گوناهی ایشلمهیه داوام ائدیر. بئله کی، رژیمین باشینداکی اینسانین بو گون مطبوعاتا عکس اولونان آچیقلامالاریندان دا گؤردوگوموز قدریله رژیم هئچ بیر آتشکسه، هئچ بیر فورمولار آچیق دئییل" شکلینده دانیشدی.
ایبراهیم قالین، بعشیقه کامپییلا باغلی اولاراق ایسه عراق اورقانلاری حیاتا کئچیریلن مذاکیرهلرین داوام ائتدیگینی ایفاده ائتدی.
سؤزچو قالین؛
"کامپیمیز اورادا داعش ایله موباریزه چرچیوهسینده عراقلیلارا کؤمکچی اولماغا، دستک وئرمهیه داوام ائدیر. نیظامنامهسینین بیر حقوقی چرچیوهیه ائدیلمهسی موضوعسوندا بیر کاغیذ آلوئری وار، بو آندا مذاکیرهلر داوام ائدیر." دئدی.
ایبراهیم قالین، آوروپا بیرلیگی ایله سون دؤورده یاشانان گرگینلیگی ده قیمتلندیردی.
تورک وطنداشلارینا ویزالارین قالخماسی و گؤچمن فوندو موضوعسوندا اوّلدن تعیین اولونان تقویمین ایشلممسینین کدرلی اولدوغونو ایفاده ائدن قالین، آوروپادا تورکیه علیهدارلیغی اوزریندن سیاست ائدیلممهسی لازیم اولدوغو اویارسینی ائتدی.