بینا‌لی ییل‌دیریم: بیر فیلیسطین دولتی‌نین قورولماسی دینج‌لیک و باریشین تک یولو
ییل‌دیریم، قودسه صاحب چیخمانین کئچمیشه و شخصیته صاحب چیخماق معناسینی وئردیگینی قید ائده‌رک، قودس دئمه‌نین "مراج" و "ایلک قیبله" دئمک اولدوغونو وورغولادی
باش ناظیر بینا‌لی ییل‌دیریم، باشکندی شرقی قودس اولان مستقیل بیر فیلیسطین دولتی‌نین قورولماسی‌نین، بؤلگه‌سل دینج‌لیک و باریشین تک یولو اولدوغونو سؤیله‌دی.
ایستانبولدا قودس پلاتفورمو و پروسسین پروبلم‌لری سمپوزیومونون قالا یئمگینده دانیشان باش ناظیر ییل‌دیریم، فیلیسطین ایله اولوسلار آراسی همرای‌لیک گونو سببیله قارداش فیلیسطین خالقی‌نین ظلم، ایشغال و یوخ اولمایا قارشی گؤسترمکده اولدوغو شرف‌لی مقاومته دستگی تورک میللتی آدینا بیر دفعه داها ایفاده ائتمک ایستدیگینی ایفاده ائتدی.
ییل‌دیریم، قودسه صاحب چیخمانین کئچمیشه و شخصیته صاحب چیخماق معناسینی وئردیگینی قید ائده‌رک، قودس دئمه‌نین "مراج" و "ایلک قیبله" دئمک اولدوغونو وورغولادی.
شرق قودسو یهودی یئرلشیمیله تامامیله چئورلییب، فیلیسطین توپراقلارییلا باغینی کسمه لاییحه‌سی‌نین آددیم-آددیم داوام ائتدیگینی وورغولایان ایلدیریم،
"مقصد بل‌لی‌دیر. قودسو ایسرائیل و یهودیلیگین باشکندی حالینا چئویرمک. طبیعتیله بو سیاست‌لره تورکیه اولا‌راق دؤزوم گؤسترملیگیک سؤز موضوعسو اولا بیلمز." دئدی.
پروبلم‌لرین باریش اصول‌لارلا و دیالوق یولو ایله قارشی‌لیق‌لی آنلاشما چرچیوه‌سینده حل ائده بیلمه‌نین تک یولونون حاق و حقوقا حؤرمت اولدوغونو کؤچورن باش ناظیر، فیلیسطین خالقی‌نین اولوسلار آراسی حاق‌دان قایناق‌لانان ان تمل حقوق‌لاری‌نین هر گون تکرار تکرار تاپدالانماسینا موطلق دور دئییلمه‌سی لازیم اولدوغونو سؤیله‌دی.
ییل‌دیریم، بو وظیفه‌نین ده فیلیسطین خالقینا داوام‌لی صبر تلقین ائدن اولوسلار آراسی توپلوما دوشدوگونو ایفاده ائده‌رک، بؤلگه‌ده امن- آمانلیغین و باریشین تک یولونون باشکندی شرقی قودس اولان موستقیل، حاکم فیلیسطین دولتی‌نین بدن تاپماسی اولدوغونو ایفاده ائتدی.
فیلیسطین دولتینی حاضیردا 137 اؤلکه‌نین تانیدیغینی دیله گتیرن ییل‌دیریم، دیگر اؤلکه‌لرین ده تانیماسی اوچون تورکیه اولا‌راق تلاشلارینی آرتیرا‌راق داوام ائتدیردیکلرینی، فیلیسطین‌لی‌لرین بو مدتده بیرلیک و برابرلیک ایچینده اولما‌لاری‌نین حیاتی اهمیت داشیدیغینی قید ائتدی.
ییل‌دیریم، ایسرائیلده مسجیدلرده اذانین هوپارلؤرله اوخونماسی‌نین قارشی‌سی‌نین آلینماسینی نظرده توتان قانون لاییحه‌سی ایله باغلی اولا‌راق دا،
"دین و اینانج آزادلیغینا ضد بئله بیر تطبیقین سؤیکدیلمه‌سی اصلا قبول ائدیله بیلمز. ایسلام عالمینی تحقیر ائده‌جک هر حرکتین قارشی‌سیندا قطعیتله بیرلیکده دایاناجاغیق." دئیه دانیشدی.
