فیکری ایشیق اتریش-ین سیلاح یاپتریمینی دیرلندیردی
تورکیهنین ساوونما ناظیری فیکری ایشیق دئدی کی، اتریش-ین سلاح یاپتریمی تورکیهیه تاثیر ائتمهیهجک.
تورکیهنین ساوونما ناظیری فیکری ایشیق، اتریش پارلامنتینین تورکیهیه سیلاح آمبارقوسو تطبیق ائتمهسی یونونده کی قرارینین ساوونما صنایع سینین اینکیشافی اوچون موتیواسیون اولاجاغینی سؤیلهدی.
بو قرار عملده تورکیهیه تاثیر ائتمز" دئین فیکری ایشیق، آسلسان-ی نومونه گؤستردی.
ساوونما ناظیری ایشیق،اتریش طرفیندن آلینان قرارین چوخ داها شدتلیسی 1974 -جو باریش حرکاتیندا تورکیهیه تطبیق اولونموشدو. او یاپتریم آسئلسان-ین یارانماسینا سبب اولدو. من امینم کی، بو قراردا تورکیهنین ساوونما صنایعسینده میللی و یئرلی سیلاحلارینی اینکیشاف ائتدیرمهسینده بیزه داها جدی بیر موتیواسیون وئره جک. اتریش-ین آلدیغی بو قراری قطعیت ایله قیناییریق. " ایفادهلرینی ایشلتدی.
ایشیق علاوه ائتدی کی، اتریش-ین سلاح یاپتریمی تورکیهیه تاثیر ائتمهیهجک.
ایشیق، تورکیه سیلاحلی قوه لرینه 19 مین پرسنل آلینماسی اوچون 134 مین مراجعت ائدیلدیگینی، حربی اوکول اورنجیلری اوچون ایسه 152 مین مراجعت ائدیلدیگینی قئید ائتدی.