قاجار خاندانینین سون شهزاده‌سی بابک میرزا ایستانبولدا
تورک قاجار خاندانینین سون شهزاده‌سی اولان بابک میرزا، حیات یولداشی ایله بیرلیکده ایستانبولا گلدی
ایراندا، 131 ایل (1794-1925) حؤکم سورن تورک قاجار خاندان‌لیغی‌نین سون شهزاده‌سی بابک میرزا ایله ائشی، تورک هاوا یوللارینا عاید اوچاق ایله ساعات 18.55ده ایستانبولا گلدی.
ایش آدامی بابک میرزه، بیر دیزی گؤروشمه‌لر آپارماق اوچون آذربایجان و ایرانا سفریندن سونرا آخشام ساعات‌لاریندا آتاتورک هاوالیمانینا گلدی. بورادا مطبوعات منسوب‌لاری‌نین سوال‌لارینی جاوابلایان میرزا، ایستانبولا اوچونجو گلیشی اولدوغونو ایفاده ائده‌رک، "تورکیه‌یه گلمک منیم اوچون، سفر کیمی دئییل، اؤز وطنیمه گلمیش کیمیه‌م. تورکیه منیم ایکینجی وطنیم. ایستانبولا گلیشیمین هر هانسی بیر سیاسی سببی یوخدور. تورک میلتی ایله مخاطب اولماق منیم اوچون بؤیوک بیر ذؤوق‌دور. تورک میلتی شرف‌لی بیر میللت" دئیه دانیشدی.
چییین چییینه وئرمه‌میز لازیم اولدوغونو سؤیله‌ین میرزه، "اؤزللیکله بو قاریشیق زامان‌لاردا، ایرانلا تورکیه‌نین علاقه‌سینی چوخ داها یاخین گؤرمک ایسته‌ییرم. بیز قارداش اؤلکه‌یک. باخین من ایران‌دان گلیرم، سیزه تورکجه خطاب ائدیرم. ایرانین یاری‌سی تورکدور. بیز قارداش میلتیک، بیرلیکده اولاق. بوینوموزو کیمسه بوکممز" دئدی.
بابک میرزا‌نین تکیرداغ‌دا دوغولان حیات یولداشی لیلا میرزا دا، "ایستانبولو اؤزلدیم. چوخ سئویرم" دئدی.
تورک قاجار سولاله‌سی، 1794-1925 ایللری آراسیندا ایراندا حؤکم ائتمیشدی. بابک میرزا، آلمانیانین باشکندی برلینده یاشاییر.
