اردوغان: "ایسراییل آتیشکس ایله باغلی چاغیریش‌لارا قان تؤکه‌رک جاواب وئریر"

ایسپانیانین پایتاختی مادرید-ده 8-جی تورکیه-ایسپانیا حکومتلرآراسی ذیروه توپلانتی‌سی چرچیوه‌سینده "ایش فورومو" کئچیریلیب.

2152689
اردوغان: "ایسراییل آتیشکس ایله باغلی چاغیریش‌لارا قان تؤکه‌رک جاواب وئریر"

جمهور باشقانی رجب طیب اردوغان ایسراییلین غزه-ده آتیشکس چاغیریش‌لارینا قان تؤکه‌رک جاواب وئردیگینی، هئچ بیر ویجدان‌لی اؤلکه‌نین بئله بیر وضعیتی قبول ائتمه‌سی‌نین مومکون اولمادیغینی بیلدیریب.

ایسپانیانین پایتاختی مادرید-ده 8-جی تورکیه-ایسپانیا حکومتلرآراسی ذیروه توپلانتی‌سی چرچیوه‌سینده "ایش فورومو" کئچیریلیب.

جمهور باشقانی رجب طیب اردوغان و ایسپانیانین باش ناظیری پدرو سانچز تورکیه-‌دن 150-یه یاخین ایش آدامینی ایسپان همکارلاری ایله بیر آرایا گتیرن فورومون آچیلیشیندا ایشتیراک ائدیبلر.

فورومدا چیخیش ائدن جمهور باشقانی رجب طیب اردوغان ایسراییلین غزه-ده تؤرتدیگی قتل عام لارا بیر داها رئاکسیا وئریب.

جمهور باشقانی رجب طیب اردوغان دئییب: "آتیشکس چاغیریش‌لارینا قان تؤکه‌رک جاواب وئرن اؤلکه ایله قارشی-قارشییاییق. هئچ بیر ویجدان‌لی اؤلکه‌نین بئله بیر وضعیتی قبول ائتمه‌سی مومکون دئییل".

ایسپانیانین ایسراییلین تؤرتدیکلرینه قارشی موضعینی آلقیشلادیغینی وورغولایان جمهور باشقانی رجب طیب اردوغان دئییب: "‘جناب پدرو سانچز یوروتدوگو پرنسیپلی سیاستله ایسپان، فیلیسطین و تورک خالقی‌نین قلبینده استثنا یئر قازانیب".

دوست و ناتو متفیقی ایسپانیا ایله هر ساحه‌ده مکمل موناسیبت‌لره مالیک اولدوق‌لارینا دقت چکن جمهور باشقانی رجب طیب اردوغان دئییب:"بیز موختلیف سئکتورلارداکی ایشیمیزله یئنی طرفداش‌لیق ایمکان‌لاری یاراتمالیییق. بو یوللا بیز اؤلکه‌لریمیزی گله‌جه‌یه آپارا بیلریک".

ایسپانیانین باش ناظیری پدرو سانچز ده اؤز نؤوبه سینده دئییب:

"تورکیه ایسپانیانین اؤنملی اقتصادی طرفداشی‌دیر و بولگه‌ده مهم آکتیوردور. ایسپانیا و تورکیه هر ساحه‌ده ان مکمل علاقه‌لره مالیک ایکی اؤلکه‌دیر".



ایلگیلی‌لی خبرلر