ناظیرلر شوراسی دونن جمهور باشقانی رجب طیب اردوغانین رهبرلیگینده توپلاندی
باش ناظیرین معاوینی و حکومت سؤزچوسو نومان کورتولموش، هاشدی شابینین، عیراق-ین موصول شهرینده ترور تشکیلاتی داعش-ه قارشی داوام ائدن عملیاتا قاتیلماسینی قبول ائتمهیهجکلرینی سؤیلهدی.
باش ناظیرین معاوینی و حکومت سؤزچوسو نومان کورتولموش، هاشدی شابینین، عیراق-ین موصول شهرینده ترور تشکیلاتی داعش-ه قارشی داوام ائدن عملیاتا قاتیلماسینی قبول ائتمهیهجکلرینی سؤیلهدی.
دونن ناظیرلر شوراسی جمهور باشقانی رجب طیب اردوغانین رهبرلیگینده توپلاندی.
باش ناظیرین معاوینی نومان کورتولموش توپلانتی حاقیندا آچیقلاما وئرهرک بیلدیردی کی، داخیلده و خاریجده تورکیهنی ماراقلاندیران بوتون گوونلیک تدبیرلرینی فعال شکیلده تطبیق ائتمکده داوام ائدجییک. ترورلا موباریزه مؤوضوسوندا ایل عرضینده 296 چوخ اؤنملی ترور اولایینین قارشیسینین آلیندیغینی بیلدیره رک 10 مین اوزه ل حرکات پولیسی آلیمی اوچون آددیم آتیلاجاغینی دا ایفاده ائتدی.
نومان کورتولموش "فرات قالخانی " عملیاتی بارهده ایسه دئدی کی، تورکیه علاقهلی بوتون اؤلکهلرله دیپلوماتیک ساحهسینده گؤروشلر کئچیریر. منبیچ-ین پ.ی.د ترور تشکیلاتیندان تمیزلنمهسی بارهده آزاد سوریا اوردوسونا لازیم اولان دستک وئریلهجکدیر.
نومان کورتولموش موصول عملیاتینین دا پلانلاشدیریلدیغی کیمی داوام ائتدیگینی، بو مووضوعدا تورکیهنین حساسلیقلارینین معلوم اولدوغونو بیلدیردی.
باش ناظیرین معاوینی کورتولموش راککا عملیاتی بارهده ایسه دئدی کی، بو بارهده تورکیهنین دوشونجهسی دقیقدیر. موصول و "فرات قالخانی" عملیاتلاری باشا چاتدیریلدیقدان سونرا بو عملیاتین حیاتا کئچیریلمهسی داها اویغون اولاجاقدیر.
نومان کورتولموش فتح الله چی ترور تشکیلاتی پارالل دؤولت یاپیلانماسینین (فتو/پ.د.ی) قولدورباشی گولهنین گئری قایتاریلماسی بارهده ایسه بیلدیردی کی، عدالت ناظیری بکر بوزداغ-ین آمریکایا سفری آراداکی علاقهلری داها دا آچیق-آشکار اورتایا قویدو، گئری قایتاریلما و یاخود دا موقتی ساخلانیلما پروسئسینه سرعت قازاندیردیغینی ایفاده ائده بیلرم.