تورکیه رادیو تلویزیون قورومو باش مودورو شئنول گؤکان مقدونیه‌ده
آنادولو آژانسی‌نین بؤلگه‌دکی فعالیت‌لرین‌دن تعریف ایله سؤز ائدن گؤکان، "آنادولو آژانسی، هارا گئتدیسه بیزلره همیشه کؤمک ائتدی." ایفاده‌لرینی ایستیفاده ائتدی
تورکیه رادیو تلویزیون قورومو (ت.ر.ت) باش مودورو شئنول گؤکان، مقدونیه‌دکی گؤروشمه‌لری ایچینده، آنادولو آژانسی‌نین (آا) باشکند اوسکوپ‌دکی اوفیسینی زیارت ائتدی.
آنادولو آژانسی آلبانجا و مقدونیه‌جه رداکتورو آدنان ایدریز-دن آژانسین بؤلگه‌دکی فعالیتی حاقیندا معلومات آلان گؤکان، خبر مرکزین‌دکی آنادولو آژانسی ایشچی‌لرینه اوغورلار دیله‌دی.
آنادولو آژانسی‌نین بؤلگه‌دکی فعالیت‌لرین‌دن تعریف ایله سؤز ائدن گؤکان، "آنادولو آژانسی، هارا گئتدیسه بیزلره همیشه کؤمک ائتدی." ایفاده‌لرینی ایستیفاده ائتدی.
ایسکوپیه یونوس امره اینستیتوسونو دا زیارت ائدن گؤکایا تماس‌لاریندا، ت.ر.ت. رادیو دایره‌سی باشقانی و موسیقی دایره‌سی باشقان وکیلی آمبر تورکمن، ت.ر.ت. خاریجی علاقه‌لر دایره‌سی باشقانی چاغلان تانکور یؤرومز، ت.ر.ت. خاریجی یایینلار دایره‌سی باشقانی سلیمان اردال، ت.ر.ت تلویزیون دایره‌سی باشقانی تونجای یورئک‌لی، ت.ر.ت. تحصیل دایره‌سی باشقانی آدنان آریکان‌لی، ت.ر.ت. خبر و ایدمان یایینلاری دایره‌سی باشقان کؤمکچی‌سی قودرت دوغاندمیر، ت.ر.ت. آنکارا رادیوسو پروقرام مودیری مورات آلتونکایناک و ت.ر.ت. ایسکوپیه تمثیلچی‌سی بئکیم موفتارئویچ ده یولداش‌لیق ائتدی.
ت.ر.ت. باش مودورو گؤکان، بو گون ایسکوپیه‌ده بالکان‌لاردان مئدیا نماینده‌لری ایله بیر آرایا گله‌رک، فتح الله‌چی ترور تشکیلاتی‌نین 15 ژوئیه‌ده کودتا گیریشیمی ایله باغلی بریفینگ وئره‌جک.
