تورکیه جمهورباشقانی اردوغان، قوربان بایرامی سببیله بیر مساژ یایینلادی
اردوغان؛ "هدفیمیز، بیزدن سونراکی نسیللره، 2053 و 2071 ویزیونلارینی حیاتا کئچیرهبیلهجکلری بیر تورکیه بوراخماقدیر." ایفادهلرینی ایستیفاده ائتدی
تورکیه جمهورباشقانی رجب طیب اردوغان، تورکیهنین 15 ژوئیهگئجهسی گیزلی بیر ایشغال تشببوسونه معروض قالدیغینی ایفاده ائتدی.
اردوغان، قوربان بایرامی سببیله بیر مساژ یایینلادی.
وطنداشلارین قوربان بایرامینی قوتلایان پرزیدنت اردوغان، مساژیندا بایرامین؛ میللته، ایسلام عالمی ایله بوتون اینسانلیغا خیرلر گتیرمهسی تمننی ائتدی.
مساژیندا، فتح اللهچی ترور تشکیلاتی پارالل دولت یاپیلانماسی(فتو / پ.د.ی)'نین 15 ژوئیهده کودتا گیریشیمینه ده توخونان اردوغان؛
"میللتیمیز، اؤز ایرادهسینی هئچه سایان، کودتا ایله، ترورلا، شدتله اؤلکهسینه بویون اگدیرهبیلهجگینی، دولتینی اله کئچیره بیلهجگینی سانانلارا آچیق بیر مساژ وئرمیشدیر. بو جور نیتلرله یولا چیخانلار، آرتیق بیلمهلیدیرلر کی، قارشیلاریندا 570 مین نفرلیک اوردوسو، 260 مین نفرلیک پولیسیله بیرلیکده، 7-دن 70-ه 79 میلیونلوق میللتیله بیر تورکیهنی گلهجکلر "دئدی.
تورکیهنین، 2023 هدفلرینه چاتماق اوچون قطعیتله یولونا داوام ائتدیگینی وورغولایان اردوغان؛
"هدفیمیز، بیزدن سونراکی نسیللره، 2053 و 2071 ویزیونلارینی حیاتا کئچیرهبیلهجکلری بیر تورکیه بوراخماقدیر." ایفادهلرینی ایستیفاده ائتدی.
باش قرارگاه باشقانی ژنرال حولوسی آکار یاییملادیغی مساژدا "سون تروریست اؤلدورولونجویه قدر بؤیوک بیر عزم و قطعیتله، ترورلا موباریزه حرکاتی داوام ائتدیریلمکدهدیر" دئدی.
باش قرارگاه باشقانی بایراملارین دینجلیک و گوون ایچینده یاشانماسی اوچون تورک سیلاحلی گوجلرینین قورو، دنیز و هاوا حدودلاری اولماقلا یورد ایچی و مرز کناریندا گئجه گوندوز دئمهدن وئردیگی موباریزهیه دقت چکدی.
سوریهنین قوزئیینین تروریستلردن تمیزلنمهسی اوچون تورک سیلاحلی گوجلرینین لیدرلیگینده باشلادیلان فیرات قالخانی حرکاتینا دا توخونان حولوسی آکار، بو فعالیتلر گوناهسیز اینسانلارا ضرر وئرمهدن هر نوع ترور شبکهسینین کؤکو قازینینجایا، بوتون ترورچولار تروریست اؤلدورولونجویه قدر اؤلکهده ایجرا، یورد خاریجینده دستک شکلینده عزمله و قطعیتله سوردورولهجگینی ایفاده ائتدی.
باش ناظیر بینالی ییلدیریم دا یاینلادیغی بایرام مساژیندا،
، "خیانت شبکهلری، تک وجود اولموش بیر میللتین بوتؤولوگونه اصلا خلل بیلمهیهجکلری. بیرلیغیمیزه نظرده توتان، گوجوموزو قیرماق ایستهین بوتون او چیرکلی اویونلار بیهودهدیر." دئیه بیلدیرمیشدیر.
ترور و شدت تامامیله تمیزلیک ائدیلنه قدر موباریزهنین داوام ائدهجگینی سؤیلهین ایلدیریم،
"هئچ بیر خیانت شبکهسی میللتیمین باشینی اؤنونه اگدیرهمیهجک" دئدی.