دؤولت باشچیسی رجب طیب اردوغان چینین تلویزیونونا موصاحیبه وئردی
دونیانین ان بؤیوک 20 ایقتیصادیاتینی تشکیل ائدن اؤلکهلردن عبارت گ 20 زیروه سی اوچون چین خالق جمهوریتینین هانگجو شهرینده اولان تورکیه دؤولت باشچیسی چینین تلویزیونونا موصاحیبه وئردی.
تورکیهنین دؤولت باشچیسی رجب طیب اردوغان گ 20 زیروه توپلانتیسیندا دونیادا ایشسیزلیک و یوخسوللوغون آزالدیلماسی مؤوضوسونا داها چوخ توخونولماسینین لازیم اولدوغونو بیلدیردی.
دونیانین ان بؤیوک 20 ایقتیصادیاتینی تشکیل ائدن اؤلکهلردن عبارت گ 20 زیروه سی اوچون چین خالق جمهوریتینین هانگجو شهرینده اولان تورکیه دؤولت باشچیسی چینین تلویزیونونا موصاحیبه وئردی.
گ 20 توپلانتیسینین اؤتن ایل تورکیهنین ائو صاحبلیگیله آنتالیادا کئچیریلدیگینی خاطیرلادان اردوغان چینین صدرلیگیله تشکیل ائدیلن بو ییغینجاغین اینکیشافا تأثیر ائدجگینه ایناندیغینی سؤیلهدی و زیروهنین گوندهلیگینه توخوناراق دئدی: "قادین و گنجلرین استخدامی، قلوبال تهدید میدانا گتیرن قاچقین بحرانی و ترورا قارشی موباریزه تورکیهنی داها چوخ ماراقلاندیران مؤضوولاردی. توپلانتینین اساس ماددهلریندن بیری اهاتهلیلیکدیر. چین بؤیوک بیر ایقتیصادیاتا مالیکدیر و سرعتله اینکیشاف ائدیر، اهاته دایرهسی بوندان دا گئنیش اولارسا، خالقینا بیر او قدر پارلاق گلهجک تامین ائتمیش اولار".
اردوغان چینین قلوبال اقتصادی دونیاداکی رولونو ده قیمتلندیرهرک دئدی: “چینین 3 تریلیون 300 میلیارد دولار ارز ذخیرهسی ، 3 تریلیون 200 میلیارد دولار تیجارت حجمی، 5 میلیارد تیجارت گلیری وار. بیر اؤلکهنین ایقتیصادیاتی اوچون بو غیری -آدی رقملردیر… چین آمریکادان سونرا دونیانین ایکینجی بؤیوک اقتصادی مؤوقعینه صاحبدیر. اینفورماسیا تکنولوژیسی و آلتیاپی یاتیریملاری چینه داها گوجلو گلهجک ود ائدیر."
تورکیه دؤولت باشچیسی اونو دا دئدی کی: "گ 20 توپلانتیسیندان چیخاجاق نتیجه ایشسیزلیک و یوخسوللوغون آزالدیلماسینا خیدمت ائدرسه، دونیا ایقتیصادیاتی و خالقلاری مرفه اولاجاقدیر."