دؤولت باشچی‌سی رجب طیب اردوغان گوندمی دیرلندیردی

دؤولت باشچی‌سی رجب طیب اردوغان چینه سفریندن اول گوندمی دیرلندیردی.

دؤولت باشچی‌سی بیر داها تورکیه‌نین جنوب سرحدلرینده حیاتا کئچیریلمک ایستننه ایجازه وئرمه‌یه‌جک‌لرینی دقیق شکیلده ایفاده ائده‌رک دئدی کی، سون گونلرده غربده کی بعضی چئوره لرین وئردیک‌لری آچیقلاما‌لاری تعجبله قارشیلاییرام. جرابلس‌دا داعش‌ین مغلوب ائدیلمه‌سیندن بعضی‌لری دئمک اولار کی، ناراحات‌لیق دویور. بونو باشا دوشمک غیری مومکون‌دور. تورکیه اولا‌راق بیزلر، دؤولت اولا‌راق اردوموزلا اؤلکه‌میزین و بؤلگه‌ده کی سیویل‌لرین تهلوکه‌سیزلیگینی تامین ائتمک اوچون الیمیزدن گلنی یئرینه یئتیرمه‌لییک.

دؤولت باشچی‌سی اردوغان بعضی ترور عنصرلری کیمی جرابلسا یئرلشمک کیمی نیت‌لری‌نین اولمادیغینی بیلدیردی. بونون ان اؤنملی گؤستریجی‌سی‌نین ایسه بؤلگه خالقی‌نین ممنونلوغوندا گؤروله بیلجگینی وورغولادی.

اردوغان ترور عنصرلرینین فرات چایی‌نین شرقینه کئچدیک‌لرینه دایر آچیقلاما‌لار باره‌ده ایسه دئدی کی، بونو تورکیه تعیین ائده بیلر.

دؤولت باشچی‌سی آوروپا اؤلکه‌لری‌نین سوریه‌ده کی آتشی سؤندرمکدن چوخ "توستوسو بیزه گلمه‌سین" دئیه جهد گؤستردیگینی ده وورغولادی.