تورکیه چئوریلیش جهدی حاقیندا بیلگیلندیرمه‌یه داوام ائدیر

تورکیه فتح‌الله‌چی ترور تشکیلاتی پارالل دؤولت یاپیلانماسینین (فئتو/پ.د.ی) 15 ژوئیه چئوریلیش جهدیندن سونرا تشکیلاتین فعالیتی موضوعسوندا اؤلکه‌لری معلوماتلاندیرماق، خبردار ائتمک مقصدی ایله رسمی علاقه‌لرینی گئنیشلندیرمه‌یه داوام ائدیر.

خاریجی ایشلر ناظرلیگی‌نین اینترنت سایتیندا یئر آلان معلوماتا گؤره، تورکیه بو گونه قدر آدی چکیلن موضوع ایله باغلی 6 مین 382 یوکسک سویه‌لی رسمی گؤروش کئچیریب.

15 ژوئیه‌دن بو واختا قدر جمهور باشقانی سویه‌سینده 36، باش ناظیر سویه‌سینده 42، ناظیر سویه‌سینده 234، میللت وکیلی سویه‌سینده 696، دیگر یوکسک رسمی صلاحیتلر چرچیوه‌سینده 5 مین 374 رسمی گؤروش اولوب. مسئله ایله باغلی یوکسک سویه‌ده حیاتا کئچیریلن امکداش‌لیق‌لارین عمومی  سایی 6 مین 382-یه چاتیب.

قئید ائدیلن تاریخدن اعتبارا، فئتو/پ.د.ی تهدی دفعه‌لرله خاریجی نماینده‌لیک‌لر طرفیندن ده متمادی اولا‌راق قئید ائدیلیب.

خاریجی نماینده‌لیک‌لر طرفیندن بو گونه قدر مین 657 یازیلی و گؤرسل موصاحیبه وئریلیب، 174 دفعه مطبوعات بیلگیلندیریلیب.

همچنین فئتو/پ.د.ی چئوریلیش جهدینی جزئیاتی ایله ایضاح ائدن 403 مقاله و مکتوبدا نشر ائدیلیب.