بینالی ییلدیریم یاووز سلطان سلیم کؤرپوسونده گئدن ایشلرله ماراقلاندی

باش ناظیربینالی ییلدیریم تورکیه ایقتصادیاتی‌نین آیاق‌لاری اوسته محکم دوردوغونو دئدی.

تورکیه‌نین باش ناظیری  26 آوقوستدا آچیلا‌جاق و آسیانی آوروپایا باغلایان اوچونجو بوغاز کؤرپوسو اولان یاووز سلطان سلیم کؤرپوسونه گله‌رک گؤرولن ایشلرله ماراقلاندی.

کؤرپوده گئدن ایشلرله ماراق‌لانان باش ناظیر بینالی ییلدیریم فتح الله چی ترور تشکیلاتی‌نین (فئتو) سوچلارینا شریک اولان‌لارین معلوم اولدوق‌لارینی بیلدیردی.

ییلدیریم: "بون‌لارین سایی دا چوخ دئییل. بو سببدن ایشینی ناموس ایله گؤرن، بو قاریشیق ایشلره قوشولمایان ایش آدام‌لاریمیز، اصنافیمیز ناراحات اولماسین‌لار. بیزیم هدفیمیز جانیمیزی یاندیران، 239 شهید وئردیگیمیز، 2 مین 196 قاضیمیزین اولدوغو بو خاین چئوریلیشی بو اؤلکه‌ده حیاتا کئچیرمه‌یه چالیشان فئتو عضو‌لردیر" دئدی.

"الیمیزده لیسته وار. بو ترور تشکیلاتی‌نین مالیه قولونو تشکیل ائدن ایش عالمینده کی نماینده‌لری بللی‌دیر" دئین باش بازیر: "بیز نه‌گی نئجه ائدجگیمیزی چوخ یاخشی بیلیریک" شکلینده دانیشدی.

ییل‌یریم یاووز سلطان سلیم کؤرپوسون‌دن سونرا چنگلکؤیه گئده‌رک، اورادا شهید عائله‌لری ایله گؤروشدو.

باش ناظیر داها سونرا چنگلکؤی پولیس مرکزینه گئتدی.

قصبه رسمی‌لرین‌دن و پولیس مرکزی مدیرلریندن 15 ژوئیه گئجه‌سینده باش وئرن‌لره دایر معلومات آلان ییلدیریم بورادا توپ‌لاشان وطنداش‌لارلا گؤروشدو.