اردوغان، تورکیه‌یه دستک‌لرینی ایفاده ائتمک ایسته‌ین لیدرلرله تلفون گؤروشمه‌سی ائتدی
گؤروشمه زامانی لیدرلرین، کودتا ائدن‌لرین آچدیق‌لاری آتش نتیجه‌سینده و مقاومت اثناسیندا حیات‌لارینی ایتیرن‌لر اوچون باش ساغلیغی دیلک‌لرینی ده چاتدیردیق‌لاری قید ائدیلدی
تورکیه پرزیدنتی رجب طیب اردوغان، فتح الله‌چی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیه‌ده کودتا گیریشیمینه قارشی تورکیه‌یه دستک‌لرینی ایفاده ائتمک ایسته‌ین لیدرلرله بیر سیرا تلفون گؤروشمه‌سی ائتدی.
پرزیدنت قایناقلاریندان الده ائدیلن معلوماتا گؤره، پرزیدنت اردوغان، دونن، سیراسییلا، بوسنی و هرزگوئین پرزیدنت شوراسی‌نین صدری بکیر عزت بگوویچ، بحرین کرا‌لی حمد بن عیسی بن خلیفه و بیرلشمیش میللت‌لر تشکیلاتی‌نین باش کاتیبی بان کی-مون ایله تلفوندا گؤروشدو.
پرزیدنتی اردوغانی آختاران لیدرلرین، کودتا گیریشیمینه قارشی اولدوق‌لارینی، تورکیه‌ده سئچیلمیش حکومتی دستکلدیک‌لرینی و بو موضوعدا تورک خالقییلا تام بیر همرای‌لیک ایچینده اولدوق‌لارینی وورغولادیق‌لاری ایفاده ائدیلدی.
گؤروشمه زامانی لیدرلرین، کودتا ائدن‌لرین آچدیق‌لاری آتش نتیجه‌سینده و مقاومت اثناسیندا حیات‌لارینی ایتیرن‌لر اوچون باش ساغلیغی دیلک‌لرینی ده چاتدیردیق‌لاری قید ائدیلدی.
تونیس‌دکی نهضه حرکتی لیدری راشید الغنوشی‌نین ده عینی چرچیوه‌ده پرزیدنتی اردوغانی تلفونلا آختاردیغی بیلدیریلدی.
