اردوغان: تورک میلتی تاریخ یازان بیر میلت اولدوغونو بیر داها اورتایا قویدو"
اردوغان 15 جولای تاریخینی "شهیدلرین خاطرهسینی آنیم گونو" اولاراق اعلان ائتدیگینی سؤیلهدی.
اردوغان 15 جولای تاریخینی "شهیدلرین خاطرهسینی آنیم گونو" اولاراق اعلان ائتدیگینی سؤیلهدی.
دؤولت باشچیسی رجب طیب اردوغان گلهجک نسیللرین 15 اییولدا دموکراسینین قورونماسی اوچون اورتایا قویدوغو مقاومتین قهرمانلارینی اونودمایاجاغینی بیلدیردی.
15 جولای تاریخینی شهیدلرین خاطرهسینی آنیم گونو اولاراق اعلان ائتدیگینی سؤیلهین اردوغان جمهورباشقانلیغی ایقامتگاهیندا تشکیل ائتدیگی مطبوعات کونفرانسیندا تورکیهنین تاریخینین ان خاین، ان ساتقین سلاحلی چئوریلیش جهدینه قارشی مقاومتینی گوجلو شکیلده داوام ائتدیردیگینی، تورک میلتینین تاریخ یازان بیر میلت اولدوغونو بیر داها اورتایا قویدوغونو وورغولادی.
"میلتیمه دئییرم کی، دموکراسینین کئشیکچیسی اولاراق تدبیرلریمیزی سونوناده داوام ائتدیررک، تاریخه قیزیل حرفلرله یازدیغیمیز بو باشارینی باشیمیزین اوزرینده توتاغ"دئیه بیلدیرن اردوغان وطنداشلارا هر خبره اعتبار ائتمهمهلرینی ده سؤیلهدی.
دؤولت باشچیسی اردوغان بیلدیردی کی، دؤولتیمیز بوتون قوروملاری و میللتی ایله آیاقدادیر، هر شئی نظارت آلتیندادیر. فتحاللهچی ترور تشکیلاتی (فئتو) عضولرینین قوروملاریمیزدان تمیزلنمه پروسئسی سرعتلی شکیلده داوام ائدیر. میللی تهلوکهسیزلیک شوراسی طرفیندن توصیه ائدیلن، ناظرلر کابینئتی طرفیندن قرار کیمی قبول ائدیلن فوق العاده وضعیتین اعلانی ایله علاقهلی پروسئس ده مجلیسده آرتیق یئکونلاشدیریلدی.
تورکیهنین بیر حقوق دؤولتی اولدوغونو وورغولایان اردوغان چئوریلیشه جهدین قارشیسینین آلینماسی اوچون گؤرولن و گؤرولمکده داوام ائدن تدبیرلرین ده دموکراسی، حقوق دؤولتی، اساس حاق و آزادلیقلارا حؤرمت چرچیوهسینده اولموشدور دئیه ایفاده ائتدی.