تورکیه خالقی دموکراتیانی قوروماقدا داوام ائدیر
پایتاخت آنکارادا دموکراتیا کئشیکچی‌لری آخشام ساعت‌لاریندا یئنی‌دن میدان‌لارا آخین ائتدی.
پایتاخت آنکارادا دموکراتیا کئشیکچی‌لری آخشام ساعت‌لاریندا یئنی‌دن میدان‌لارا آخین ائتدی.
فتح‌الله‌چی ترور تشکیلاتی‌نین (فئتو) چئویریلیش جهدینه قارشی دؤولت باشچی‌سی رجب طیب اردوغانین چاغیریشییلا ایلک گوندن ایندیدک میدان‌لاری بوش بوراخمایان تورکیه خالقی اؤلکه‌نین 81 شهرینده دموکراتیا کئشیکچی‌سی اولماقدا داوام ائدیر.
پایتاخت آنکارادا دموکراتیا کئشیکچی‌لری آخشام ساعت‌لاریندا یئنی‌دن میدان‌لارا آخین ائتدی. ایش ساعتینی بیتیرن مین‌لرله وطنداش اللرینده تورکیه بایراغی کیزیلای مئیدانینا توپلاندی.
بوندان باشقا بئش‌تپه‌ده یئرلشن جمهورباشکان‌لیغی ایقامتگاهی اطرافیندا خصوصیله آخشام ساعت‌لاریندا پلیس‌لرله برابر کئشیکده دوران وطنداش‌لار بعضا نامازلارینی میلت مسجیدینده قیلیرلار. نامازدان سونرا چئوریلیشه جهد زامانی شهید اولان‌لار اوچون قورانی- کریم‌دن آیه‌لر سسلندیریلیر، دعا‌لار اوخونور.
ایستانبولدا دا مین‌لرله اینسان دموکراتیانی قوروماق نامینه تاکسیم مئیدانیندا توپلاشدی. اونلارین آراسیندا اؤلکه‌نین تانینمیش صنعت آدام‌لاری دا وار.
ایستانبول‌داکی دؤولت باشچی‌سی‌نین ایقامتگاهی اؤنون‌دکی مئیداندا توپ‌لانان وطنداش‌لار "چئویریلیش یوخ"، "دموکراتیا وار اولسون" شعارلاری سسلندیردیلر.
