اردوغان، پ.ک.ک-نین دیاربکیر سالدیریسینا باتی توپلومدان اعتراض گلممهسینی آغیر دیلله تنقید ائتدی
اردوغان؛"ترور سالدیریسی پاریسده اولونجا غربدن سس چیخیر، بروکسلده اولونجا چیخیر؛ اما لاهوردا اولونجا چیخمیر، آنکارادا اولونجا چیخمیر، ایستانبولدا اولونجا چیخمیر دئدی
تورکیه پرزیدنتی رجب طیب اردوغان، ترور تشکیلاتی پ.ک.ک-نین 16 سیویل اؤلدوغو دیاربکیر سالدیریسینا باتی توپلومدان جدی بیر اعتراض گلممهسینی آغیر دیلله تنقید ائتدی.
اردوغان، ایسلام امکداشلیق تشکیلاتی 3-جو سودان مسئول ناظیرلر توپلانتیسینین آچیلیشیندا دانیشدی.
ترور موضوعسوندا ایکیلی استاندارد ایجرا ائدن غربی تنقید ائدن اردوغان، ترور تشکیلاتی پ.ک.ک-نین دیاربکیرده 15 تون پاتلاییجییلا ائتدیگی خائین سالدیریسینا غرب دونیاسینین سسسیز قالدیغینی ایفاده ائدهرک؛
"نورمال شرطلرده بیر یوک ماشینی دولوسو پاتلاییجینی دیاربکیر شهر مرکزینده ایستیفاده ائتمگی هدفلهین بیر تشکیلاتین بو حرکتینین بوتون دونیادا چوخ جدی سس سالماسی و شدتله لعنت ائدیلمهسی لازیمدیر." دئدی.
باتی اؤلکهلرینین ترور موضوعسوندا ایکیرجیکلی بیر رفتار ایچینده اولدوغونو دا سؤیلهین اردوغان؛
"ترور سالدیریسی پاریسده اولونجا غربدن سس چیخیر، بروکسلده اولونجا چیخیر؛ اما لاهوردا اولونجا چیخمیر، آنکارادا اولونجا چیخمیر، ایستانبولدا اولونجا چیخمیر، دیاربکیرده اولونجا چیخمیر. ایشده بیزیم ایچیمیز بوندان یانیر" ایفادهلرینی ایستیفاده ائتدی.
سوریهدکی چاتیشمالارا دا توخونان اردوغان.
داعش ایله موباریزه بهانهسیله ائدیلن حسابلارین داها بؤیوک پروبلملره سبب اولدوغونو سؤیلهدی.
اردوغان؛
"ترور تشکیلاتلارینا قارشی ایبتیداعی بیر موباریزه اوصولو اوزرینده درحال آنلاشیلمازسا گلهجکده دونیا هر کس اوچون اعتبارلی بیر یئر اولماقدان چیخار" دئیه بیلدیرمیشدیر.