تورک سلاح‌لی گوجلری، سوریه‌ده داعش منسوبو 14 تروریستی اؤدوردو
حرکاتدا، 11 ساونما سنگری، اوزرینده سلاح اولان بیر تاکتیک واسطه و داعشین قرارگاه اولا‌راق ایستیفاده ائتدیگی ایکی مرتبه‌لی بیر بینا یوخ ائدیلدی
تورک سلاح‌لی گوجلری (TSK)، سوریه‌نین قوزئیینده ترور تشکیلاتی داعش منسوبو 14 تروریستی اؤدوردو.
دونن آخشام 20:00 جیواریندا حلبه قوزئیین‌داکی چاریزم، یاهمول، کافراه بؤلگه‌لرینده کشف و موشاهیده ائتمه واسطه‌لری و بؤلگه‌دن آلینان کشفیاتین قیمتلندیریلمه‌سی نتیجه‌سینده تثبیت ائدیلن و آتیشا حاضرلیق ایچری‌سینده اولدوغو قیمتلن‌دیریلن داعش ترور تشکیلاتی هدف‌لرینه قارشی عملیات باشلادیلدی.
عملیات فاصیله‌لرله سحر ساعات‌لارینا قدر داوام ائتدی.
ایلک معلومات‌لارا گؤره، ترور تشکیلاتی داعش منسوبو 14 تروریست اؤلدورولدو.
دیگر طرف‌دن، تورک سلاح‌لی گوجلرینه عایید هدف تثبیت واسطه‌لریله کافراه، ژاریز تیلالاین و دابیکدا تعیین داعش هدف‌لرینه، کوالیسیون هاوا گوجلرینه عایید ساواش اوچاق‌لاری طرفیندن 5 هاوا حرکاتی ایجرا ائدیلدی.
بو عملیات‌لاردا دا ایلک بیلگی‌لره گؤره، 14 تروریست اؤلدورولدو.
حرکاتدا، 11 ساونما سنگری، اوزرینده سلاح اولان بیر تاکتیک واسطه و داعشین قرارگاه اولا‌راق ایستیفاده ائتدیگی ایکی مرتبه‌لی بیر بینا یوخ ائدیلدی.
