محمد شیمشک: گؤچمن بحرانینا قلوبال بیر حلّ تاپیلمالی

تورکیه باش ناظر معاوینی محمد شیمشک، گؤچمن بحرانینا یؤنلیک قلوبال بیر حلّ تاپیلماسی لازیم اولدوغونو سؤیلهدی.

بیرلشمیش میللتلری داها آکتیو اولماغا چاغیران شیمشک، سوریهده هاوا سالدیریلارینا سون وئریلمسیله یئنی گؤچمن آخینینین اؤنو کسیلهبیلهجگینی ایفاده ائتدی.

دونیا اقتصادی فورومو توپلانتیلاری اوچون سوئیسین داووس قصبهسینده اولان باش ناظر کؤمکچیسی محمد شیمشک، "اینسانی مسئولیت، قلوبال، بؤلگهسل و سکتورال یاناشمالار" ایجلاسینا قاتیلدی.

کؤچمن بحرانینین اله آلیندیغی اجلاسدا بیر دانیشما ائدن شیمشک، ساواش و ترور کیمی سببلردن اؤتورو 60 میلیوندان چوخ اینسانین ائولرینی ترک ائتمک مجبوریتینده قالدیغینی سؤیلهدی.

ترکیهنین 2 یاریم میلیون سوریهلیلر ائو صاحبلیگی ائتدیگینی و اونلارا ایش ایجازهسی ایله تحصیل تامین ائتدیگینی وورغولایان محمد شیمشک "اؤلکهمله غورورلانیرام" دئدی.

شیمشک، تورکیهنین، سوریهلی سیغینماجیلارا یؤنلیک آچیق قاپی سیاستینی سوردوردوردوغونو و بو آنا قدر 8 میلیارد دولار خرجلدیگینی قید ائتدی.