اردوغان، تورکمنیستاندان یوردا دؤندو
اردوغان، گوونلیک پروبلملرینین آرتدیغی، تروریزم تهدیدینین گئدهرک یایقینلاشدیغینا دقت چکدی
پرزیدنت رجب طیب اردوغان، تروریزمه قارشی اولوسلار آراسی توپلومون داها چوخ مسئولیت بوینونا گؤتورمهسی لازیم اولدوغونو سؤیلهدی.
پرزیدنت اردوغان، تورکمنیستانین باشکندی عشق آباددا، تورکمنیستانین طرفسیزلیگینین 20. ایلدؤنومو قوتلامالاری چرچیوهسینده تشکیل ائدیلن طرفسیزلیک کونفرانسینا قاتیلدی.
اردوغان، گوونلیک پروبلملرینین آرتدیغی، تروریزم تهدیدینین گئدهرک یایقینلاشدیغینا دقت چکدی.
باریش و ثابتلیگی تهدید ائدن ایختیلافلار ایله بو ایختیلافلارین اورتایا چیخارتدیغی بلیرسیزلیقلر بوتون اؤلکهلری تأثیر وورغولایان اردوغان،
- "وطنداش ایتکیلر و کوتلوی کؤچ حادثهلری سببیله اینسانی اؤلچوسو اؤن پلانا چیخان بو ایختیلافلارین اولوسلار آراسی حقوق و امکداشلیق چرچیوهسینده بیر آن اوّل حلّه قوووشدورولماسینی آرزو ائدیریک." دئدی.
پرزیدنت کونفرانسا قاتیلان بعضی لیدرلر ایله ده ایکیطرفلی گؤروشلر رئاللاشدیردی.
اردوغان، ایلک اولاراق گورجوستان پرزیدنتی گیورگی مارگولاشویلی ایله گؤروشدو، سونرا پاکیستان باش ناظیری نواز شریفی قبول ائتدی.
پرزیدنت همچینین، بلاروس، قیرقیزیستان، اؤزبکیستان، افغانیستان، تاجیکیستان، کورواسی و مولدووا پرزیدنتلری ایله ده فیکیر موبادیلهسی ائتدی.
اردوغان، ایران پرزیدنتی بیرینجی معاوینی اسحاق جهانگیر ایله ده بیر آرایا گلدی.
گؤروشمه، ایران ایله طبیعی گاز گرگینلیگینین آردیندان ایلک تماس اولاراق دقت چکدی.
اردوغان، تورکمنیستانداکی رسمی سفریندن سونرا یوردا دؤندو.