تورکمن بؤلگه‌سینه سالدیریلارا تپکی
باییربوجاق تورکمن بؤلگه‌سین‌دکی قورو عملیاتینا سیویل توپلوم هؤرگوت‌لری تپکی گؤستردی
سوریه‌ده اسد رژیمی‌نین، باییربوجاق تورکمن بؤلگه‌سین‌دکی روسیانین دا دستگ ایله داوام ائتدیردیگی قورو عملیاتینا سیویل توپلوم هؤرگوت‌لری تپکی گؤستردی.
انسانی دایانیشما و قالخینما درنگی باشقانی عبدالرازاق ایلدیز، سالدیریلار سببیله وطنداشلارین چتین دورومدا اولدوغونو سؤیله‌دی.
قورو عملیاتی‌نین بؤلگه‌دکی خالقین یاشادیق‌لاری یئری ترک ائتمک مجبوریتینده قالماسینا سبب اولدوغونو ایفاده ائدن ایلدیز، سالدیریلاری قینادیق‌لارینی و درحال بیتمه‌سینی آرزو ائتدیک‌لرینی قید ائتدی.
یاردیم‌ائلی درنگی حاتای نوماینده‌سی ایوب ییخیلماز دا تورکمن بؤلگه‌سین‌دکی قیرغینین دورماسینی ایستدیک‌لرینی ایفاده ائتدی.
باییربوجاق تورکمن بؤلگه‌سین‌دکی خالقین بومباردمان آلتیندا قالدیغینی ایفاده ائدن ییخیلماز، "آرتیق دوروم هر گئچن دقیقه پیسله‌شیر. قارداش‌لاریمیز آغیر دورومدا. سالدیریلاری شیدتله قیناییریق. باییربوجاق تورکمن بؤلگه‌سینه ساکینلیک گلمه‌سینی ان قیسا مدتده آرزو ائدیریک" دئدی.
علم خیدمت یاردیملاشما و آراشدیرما درنگی یؤنه‌تیم قورولو باشقانی هارون بوداق‌لارین ایسه تورکمن بؤلگه‌سینده یاشانان ظلمون درحال سونا چاتماسینی گؤزلدیک‌لرینی ایفاده ائتدی.
باییربوجاق تورکمن بؤلگه‌سینده ائدیلن قورو عملیاتی‌نین گوناه‌سیز اینسان‌لاری قتل ائتدیگینی ایفاده ائدن بوداق‌لار، "بؤلگه‌ده ائدیلن سالدیریلار اوزون‌دن هر گئچن ساعات اؤلو و یارا‌لی‌لار آرتیر. اینسان‌لار، یئمک و ارزاق تاپماقدا چتین‌لیک یاشاییر. بو پیس گئدیشه "دور" دئیلمه‌مه‌سی حالیندا اورا‌داکی قارداش‌لاریمیزین حالی یاخشی اولمایا‌جاق" دئیه دانیشدی.
بوداق‌لار، سالدیریلاری قینادیق‌لارینی، تورکمن بؤلگه‌سینه عاجل اولا‌راق صاحب چیخیلماسی لازیم اولدوغونو سؤزلرینه علاوه ائتدی.
