آمریکا، ی.پ.گیه سیلاح وئرمهیهجک
"تورکیه قایغیلارینی چاتدیرمیشدی، آمریکادان گلن آچیقلامالار ممنونیت وئریجی"
تورکیهنین، پکاکانین سوریهدهکی قولو پ.ی.دنین حربی قانادی ی.پ.گیه آمریکانین سیلاح و مهمات وئرممهسی یولونداکی گیریشیملری نتیجه وئردی.
آمریکا، "آرتیق ی.پ.گیه سیلاح و سورسات وئرمهیهجیینی" آچیقلادی.
تورکیه، آمریکانین پکاکانین سوریهدهکی سیلاحلی قولو ی.پ.گیه سیلاح یاردیمینی دوردورماق قرارینی سئوینجله قارشیلادی.
آمریکا ساوونما باخانلیغیندان ی.پ.گیه سیلاح کؤمیینه باغلی ائدیلن آچیقلامانی دگرلندیرن خاریجی ایشلر باخانلیغی سؤزچوسو تانژو بیلگیچ، "تورکیه قونویا باغلی قایغیلارینی چاتدیرمیشدی، آمریکادان گلن آچیقلامالار ممنونیت وئریجی" دئدی.
داعش ایله مباریزهیه دایر ده تورکیهنین گرکلی هر جور تدبیری آلابیلهجیینی وورغولادی.
تانژو بیلگیچ، دوغو آغ دنیزه گلن آمریکایا عاید اواساس دونالد کوک ساواش گمیسینین او بؤلگهده تورکیهنین ساوونولما قونوسوندا دایمی مؤوجودیتینی داوام ائتدیرجیینی ایفاده ائتدی.
خاریجی ایشلر سؤزچوسو آیریجا، تورک و روس حربی یئتکیلیلرین سوریهدهکی اوچوشلار قونوسوندا بیر ایلهتیشیم کانالی قوراجاغی یولونداکی ادعالارین دوغرو اولمادیغینا دقت چئکدی.
اؤته یاندان آمریکانین ترور هؤرگوتو داعشه قارشی عراق و سوریهده یئریتدیگی دوغال قرارلیلیق عملیاتینین سؤزچوسو آلبای/سرهنگ ایستو وارن دا قونویلا ایلگیلی دانیشدی.
"آرتیق ی.پ.گیه سیلاح یا دا سورسات ساغلامیریق. داها اؤنجه هاوادان آتیلان سیلاحلار، سوریه عرب کوالیسیونو اوچون ایدی. بوندان سونرا، سیلاح و مهماتلار دا عربلرین باشینی چئکدیگی سوریهلی مخالیفلره گئدهجک. "
وارن، تورکیهنین داها اؤنجه دیله گتیردیگی قایغیلارینی آنلادیقلارینی ایفاده ائدهرک، "تورکلر ناتو عضوو و داعش ایله مباریزهده یاخین متفقیمیز. تورکلر ایله یاخین تماس حالینداییق" دئدی.