تورکیه یارین صاندیق باشینا گئدیر
سئچیمده 54 میلیون 49 مین 940 سئچیجی، 175 مین 6 صاندیقدا اوی وئرهجک
تورکیه، 26.جی دؤنم پارلمانینین عضولارینی بللی ائتمک اوزره یارین صاندیق باشینا گئدهجک.
سئچیمده 54 میلیون 49 مین 940 سئچیجی، 175 مین 6 صاندیقدا اوی وئرهجک.
سئچیمه 16 سیاسی پارتی قاتیلاجاق، 21 باغیمسیز میلت وکیلی یاریشاجاق.
دوغوداکی ائللرده سس وئرمه ساعاتلاری 07.00-16.00، باشقا ائللرده 08.00-17.00 اولاراق اویقولاناجاق.
یورددیشینداکی سئچیجیلرین 54 اؤلکه، 113 نمایندهلیکده وئردیکلری اوی تورکیهیه گتیریلدی. آنکاراداکی یورددیشی ائلچه سئچیم قورولوندا ساخلانان اویلارلار، 1 نوامبر آخشامی، بوتون یورددا سس وئرمه ایشلمینین تاماملانماسینین آردیندان باشقا اویلارلا عینی واختدا آچیلاراق ساییلماغا باشلاناجاق.
رادیولار و هر جور یایین اورقانلاری ساعات 18.00 اولانا قدر سئچیم و سئچیم نتیجهلری ایله ایلگیلی خبر، تخمین و یوروم وئریلهممهیهجک. رادیولاردا و هر جور یایین اورقانلاریندا 18.00-21.00 ساعاتلاری آراسیندا آنجاق یوکسک سئچیم قورولو طرفیندن سئچیم ایله ایلگیلی وئریلهجک خبر و بیلدیریلر یایینلانابیلهجک.
بوتون یایینلار ساعات 21.00دان سونرا سربست اولاجاق آنجاق یوکسک سئچیم قورولو طرفیندن گرک گؤرولمهسی حالیندا ساعات 21.00دن اؤنجه ده یایینلارین سربست بوراخیلماسینا قرار وئریلهبیلهجک.