اردوغان، آنکارادا مامور-سن طرفیندن تشکیل ائدیلن پانلده دانیشدی
چیخیشیندا سوریه سرحدیندکی اینکیشافلارا توخونان اردوغان؛ - "تل ابیضه داعش گیریر. داها سونرا داعش اورادان چیخیر و تل ابیضده بو دفعه پ.ی.د گیریر
تورکیه پرزیدنت رجب طیب اردوغان، سوریهنین تل ابیض بؤلگهسینده یاشانانلارین تورکیهیه آرتیق بیر تهدیده میدانا گتیرمهیه باشلادیغینی ایفاده ائدهرک، گریینین ائدیلهجگینی سؤیلهدی.
اردوغان، آنکارادا مامور-سن طرفیندن تشکیل ائدیلن "میللته وفا یولوندا 20 ایل" پروقرامیندا دانیشدی.
چیخیشیندا سوریه سرحدیندکی اینکیشافلارا توخونان اردوغان؛
- "تل ابیضه داعش گیریر. داها سونرا داعش اورادان چیخیر و تل ابیضده بو دفعه پ.ی.د گیریر. هامیسی کوللکتیو بیر اویون. اورانین یوزده 95-ی عرب و تورکمن. یوزده 5 کورد وار. بئله بیر یئرده بو آندا اورا بوشالدیلدی . اوّل اؤلکهمیزه گلدیلر سونرا تکرار تل ابیضده گئری دؤندولر. درد، اورانی کانتونا چئویرمک و اعلان ائتدیلر کانتون دئیه. بو تورکیهیه آرتیق بیر تهدید میدانا گتیرمهیه باشلامیشدیر. ائله ایسه گریینی تورکیه ائدهجکدیر. بونو هر کس بیلسین "دئدی.
پرزیدنت رجب طیب اردوغان، ترور تشکیلاتلارینین اتفاق حالیندا یئنی تورکیهیه قارشی سالدیریا کئچدیکلرینی ده ایفاده ائتدی.
آنکارا گاری قارشیسیندا یاشانان جانلی بومبا سالدیریسی اوچون 'کوللکتیو بیر ترور حرکتی دئین اردوغان؛
"حال-حاضردا اون ایللردیر زوراکیلیقلا محافظه ائتدیگی دایاتماجی اقتدارلارین سارسیلان کیم وارسا، میللته قارشی یئنی تورکیه هدفینه قارشی سالدیریا کئچمیش وضعیتده. بعضی سیاسی پارتیلر، او اسکی قییوملوق گونلرینی داریخدیغی اوچون یئنی تورکیهیه قورکوسوزجا سالدیری ائدیرلر. ترور تشکیلاتلاری، آدلاری نه اولورسا اولسون پ.ک.ک، داعش، د.ه.ک.پ-ج یئنی تورکیهیه قارشی اتفاق حالیندا سالدیری ائدیرلر. بعضی سیویل تشکیلاتلاری سلطنتلری سارسیلدیغی اوچون، تضییقی بوشا چیخدیغی اوچون یئنی تورکیهیه سالدیری ائدیرلر. بیر قیسیم مئدیا بو اؤلکهده آرتیق رنگلی بیر مئدیا اولدوغو اوچون، چوخ سسلی؛ آزاد بیر مئدیا اولدوغو اوچون یئنی تورکیهیه سالدیری ائدیرلر. دقتله باخسانیز هامیسینین عینی دیلی ایستیفاده ائتدیغینی، عینی قایناقدان بسلندیگینی گؤرورسونوز "آچیقلاماسینی ائتدی.
پرزیدنتینین چیخیشیندا، 1 نوامبر سئچیملرینه ده توخوناراق، سئچیجیلری رای وئرمهیه چاغیردی.
اردوغان؛
"موطلق صاندیغا گئدین یئنی تورکیه یولوندا بو کریتیک سئچیمده اصلا و اصلا رای وئرمهیه لاقید یاناشمایین" دئدی.