داووداوغلودان ترور دگرلندیرمه سی
"بیر بیرینه دوشمن کیمی گؤروننلر، قاریشیقلیق چیخارماق قونوسوندا ایلکه‌سل اولا‌راق عینی یئره یؤنلیرلر"
باشباخان داووداوغلو، آنکارا‌داکی ترور سالدیریسیندا قوللانیلان شخصلری اؤنم‌لی اؤلچوده تثبیت ائتدیک‌لرینی، ایندی ده اونلاری یؤنه‌تن‌لرین آرخاسیندا اولدوق‌لارینی سؤیله‌دی.
داووداوغلو، ت‌رت 1ده جان‌لی اولا‌راق یایینلانان "باشباخان ایله اؤزل یایین" پروگرامیندا گوندمی دگرلندیردی.
آنکارا‌داکی ترور سالدیریسی سونراسی یئنی بیلگی‌لر اولوب اولمادیغینا باغ‌لی بیر سوال اوزرینه داووداوغلو، بون‌لاری دئدی:
"سوروشدورما جدی بیر شکیلده درینلشدیریلیر. بیر سیرا ارتباط‌لار باغلانتی‌لار داها آچیق بیر شکیلده اورتایا چیخماغا باشلاییر. بیز بو آندا گؤرونن شخصلری اؤنم‌لی اؤلچوده تثبیت ائتدیک. ایندی بون‌لارین آرخاسیندا اونلاری ایداره ائدن‌لری تثبیت ائتمکده‌ییک. بعضی عنصورلارا چاتدیق، اورا‌دان باشقا باغلانتیلارا دا چاتماق اوچون چابا صرف ائدیریک".
پ‌کاکانین، داعشین، دح‌ک‌پ-ج‌نین تورکیه‌ده بیر قاریشیقلیق اورتامی یاراتماق ایستدیگینه ده دقت چئکن داووداوغلو، "بیر بیرینه دوشمن کیمی گؤروننلر، قاریشیقلیق چیخارماق قونوسوندا ایلکه‌سل اولا‌راق عینی یئره یؤنلیرلر" دئیه دانیشدی.
"داعش ترور هؤرگوتونون ایچینده سوریه رژیم عنصورلاری وار. چونکو داعش ترور هؤرگوتو صحنه‌یه چیخارکن سوریه حبس‌خاناسین‌دان یوللانیلان بعضی جانی‌لرین، بعضی جینایت عنصور‌لاری‌نین اوزرین‌دن قورولدو" دئین داووداوغلو، داعشین قایناغی‌نین خاریجی ساواشچیلار اولمادیغینی، خاریجی ساواشچیلارین سونرا‌دان قاتیلدیغینی ایفاده ائتدی.
