تورکیه یوکسک سئچیم قورولو 54 اؤلکه‌ده صاندیق قورا‌جاق

یوکسک سئچیم قورولو (YSK)، 54 اؤلکه‌ده صاندیق قورا‌جاق ...
یوکسک سئچیم قورولو، بئله‌جه، 1 نوامبردا ائدیله‌جک میللت وکیلی عمومی سئچیمی اوچون خاریج‌دکی 112 نماینده‌لیکده رای وئرمه‌سینی تامین ائده‌جک.
یوکسک سئچیم قورولونون آلدیغی قرار اویغون اولا‌راق، خاریجده سس وئرمه عملیات‌لاری 8 اوکتوبردا باشلایا‌جاق، 25 اوکتوبردا سونا چاتا‌جاق.
خاریج‌دکی سئچیجی‌نین رای وئره‌جگی اؤلکه‌لردن آلمانیادا 13، آمریکادا 7، فرانسادا 6، روسیا، چین و یونانیستاندا 4، اوسترالیا، اوتریش، آذربایجان، بولغاریستان، سوئیس، ایران، قزاقیستاندا 3 نماینده‌لیکده سس وئریله‌جک.
خاریجده رای وئرمه مدت‌لری ایسه بئله:
"آلمانیا، اتریش، بلژیک، دانمارک، فرانسا، سوئیس، قوزئی قیبریس تورک جمهوریتینده 8-25 اوکتوبردا 18 گون، اوسترالیادا 16-25 اوکتوبر 10 گون، آمریکادا 17-25 اوکتوبردا 9 گون، نوروئژده 19-25 اوکتوبردا 7 گون، هولندده 21-25 گون 5 گون، بیرلشمیش کرال‌لیق و رومانی‌ده 22-25 اوکتوبر 4 گون، بولغاریستان، ایتالیا، کانادا، سعودی عربیستانی و تورکمنیستاندا 23-25 اوکتوبر 3 گون ، بیرلشمیش عرب امیرلیک‌لری، بوسنی و هرزگوئین، الجزایر، ایسرائیل، سوئد، قزاقیستان، قیرقیزیستان، مقدونیه، روسیا و یونانیستاندا 24-25 اوکتوبردا 2 گون، آلبانیا، آذربایجان، بحرین، چک جمهوریتی، چین، فینلاندیا، جنوبی آفریقا، گورجوستان، ایران، ایرلند، ایسپانیا، ژاپون، قطر، کوسووو، کویت، لبنان، ماجاریستان، میصیر، اؤزبکیستان، لهستان، سودان، تایلند، اوکراین، عمان، اوردون و یئنی زلانددا 25 اوکتوبردا 1 گون. "