اردوغان کرال سلمانلا دانیشدی
اردوغان کرال سلمانلا ایسراییل عسگرلری‌نین حرم شریفه قارشی سالدیریلارینی دانیشدی
جمهورباشقانی رجب طیب اردوغان، قدس‌داکی حادثه‌لرله ایلگیلی اولا‌راق عربیستان کرا‌لی سلمان بن عبدالعزیز آل سعود ایله دونن آخشام تلفندا دانیشدی.
دانیشمادا، ایسراییل عسگرلری‌نین حرم شریفه قارشی سالدیریلاری اله آلیندی.
پرزیدنت اردوغان، ایسراییلین سالدیری‌لاری‌نین دونن ده داوام ائتمه‌سی‌نین سون درجه قایغی وئریجی اولدوغونا توخونا‌راق، بو سالدیریلارا قارشی ایسلام دونیاسی باشدا اولماق اوزره اولوسلارآراسی توپلومون حرکته گئچمه‌سی لازیم اولدوغونو وورغولادی.
ایسلام امکداش‌لیق تشکیلاتی‌نین بو قونودا داها ائتکیلی اولماسی لازیم اولدوغونا توخونان اردوغان، مسلمان‌لارین قوتسال‌لاری‌نین تاپدالانماسینا ایجازه وئریلمه‌یه‌جگینی وورغولادی.
عربیستان کرا‌لی سلمان دا، پرزیدنت اردوغانلا عینی فیکیرلری پایلاشدیغینی ایفاده ائده‌رک، مسجید اقصی‌یا قارشی پوزونتولار و مسلمان‌لارین سؤز قونوسو مقدس مکان‌دان زورلا چیخاریلما‌لارینا اصلا راضی‌لیق گؤستریله‌مه‌یه‌جگینی وورغولادی.
سعود کرا‌لی سلمان، بو مسئله‌نی بیرلشمیش ملتلر گوندمینه داشیماق اوچون لازیم اولان ایشلره باشلادیق‌لارینی قید ائتدی.
یهودی‌لر اوچون یئنی ایل اولا‌راق قبول ائدیلن "روش آسانا" تعطتیلی سببیله تخمینا 50 یهودی یئرلشیمچی تاریم باخانی اوری آریل ائشلیگینده بازار گونو مسجید اقصی‌یا گیرمیش، یئرلشیمچیلرین اقصی‌یا آلینماسینا اعتراض ائدن و ایچری گیرمک ایسته‌ین فلسطین‌لی‌لره، عسگرلر سس بومباسی، گؤز یاشارتیجی گاز و پلاستیک مرمی ایله مداخیله ائتمیشدی. مداخیله سیراسیندا آرا‌لاریندا قادین‌لارین دا اولدوغو چوخ ساییدا انسان یارالانمیشدی.
گرگین‌لیک بازار گونون‌دن بو یانا داوام ائدرکن دونن سحر ده ایسراییل عسگرلری چکمه‌لری ایله مسجید اقصی‌نین ایچینه گیرمیش و دامینا چیخمیشدی.
