آمریکا کنگره عضو‌لرینه تورکیه مکتوبو
مکتوبدا، آمریکانین ناتو متفیقی تورکیه‌نین داعش ایله مباریزه‌ده اوینادیغی رولون اؤنمینه وورغو ائدیلدی
آمریکا کنگره‌سی تورکیه دوستلوق قروپو ائش‌باشقانلاری، کنگره عضو‌لرینه، تورکیه‌نین داعش ایله مباریزه‌یه قاتقیلارینا و تورک-آمریکان ایلیشکی‌لری‌نین اؤنمینه ایشاره ائدن بیر مکتوب گؤندردی.
مکتوب، ائش‌باشقانلار جمهوریتچی پارتی میلت وکیل‌لری ویرجینا فوکس و ویتفیلد ایله دموکرات میلت وکیل‌لری استو کوهن و گری کونلی طرفیندن قلمه آلیندی.
مکتوبدا، آمریکانین ناتو متفیقی تورکیه‌نین داعش ایله مباریزه‌ده اوینادیغی رولون اؤنمینه وورغو ائدیلدی.
آیریجا، تورکیه‌نین، سوریه و عراق ایله اوزون سرحده صاحب بیر اؤلکه اولا‌راق داعش قایناق‌لی ترور تهدیدیله بیرباشا اوز اوزه اولدوغو وورغولاندی.
مکتوبدا، داعش میلیتان‌لاری طرفیندن، تورکیه ایچری‌سینده اولا‌بیله‌جک سالدیری‌لار پلانلاندیغینا دایر راحاتسیز‌لیق‌لار دا دیله گتیریلدی.
تورکیه‌نین داوام ائدن داعش تهدیدی قارشی‌سیندا سرحد گوونلیگینی آرتیرماغا دؤنوک چوخ ساییدا تدبیر آلدیغینا دقت چئکیلن مکتوبدا، سرحدی یاسا دیشی اولا‌راق گئچمه‌یه چالیشارکن توتولان‌لارین ساییسی‌نین آرتدیغی دا وورغولاندی.
تورکیه‌نین دگر‌لی بیر گوونلیک اورتاغی اولدوغونو بیر چوخ دفعه قانیدلادیغی‌نین خاطیرلادیلدیغی مکتوبدا، تورکیه‌نین عینی زاماندا عراق و سوریه ایله علاقه‌لی اولا‌راق بیر "انسانی یاردیم لیدئری" اولدوغو دا ایفاده ائدیلدی.
مکتوبدا، تورکیه‌نین 2 میلیون دولابیندا سوریه‌لی سیغینماچی‌نین انسانی احتیاج‌لارینا دستک نقطه‌سینده اولاغان‌اوستو آچیق اورکلی‌لیک گؤستردیگی ده وورغولاندی.
