اردوغاندان خاریجی سیاست دگرلندیرمه‌سی
"بعضی‌لری‌نین سیفاریشی اوزرینه بیز، بیر سؤزده ارمنی سوی‌قیریمینی دا قبول ائتمه‌یه مجبور دئییلیک"
پرزیدنت سارایی‌نین قاپی‌لاری ایلک دفعه بیر تلویزیون کانا‌لی اوچون آچیلدی و او کانال ت‌رت اولدو.
پرزیدنت رجب طیب اردوغان، ت‌رت‌نین اؤزل یایینیندا خاریجی سیاست باش‌لیق‌لارینی دگرلندیردی.
ارمنی ادعا‌لارینا توخونان پرزیدنت اردوغان، دیاسپورانین بیر ساواش اورتامیندا سوره‌جی ایشلتمک ایستدیگینه وورغو ائده‌رک، "بعضی‌لری‌نین سیفاریشی اوزرینه بیز، بیر سؤزده ارمنی سوی‌قیریمینی دا قبول ائتمه‌یه مجبور دئییلیک" دئدی.
اردوغان، "بو قونودا صمیمی‌سنیز گلین آرشیولریمیزی آچاق، بون‌لاری تاریخچی‌لره بوراخاق" دئدی.
اردوغانا، یونانیستان‌داکی سئچیم نتیجه‌لری و یانسیما‌لاری دا سوروشولدو.
سیریزانین هئچ سینانمامیش بیر پارتی اولدوغونو ایفاده ائدن اردوغان، "میدان‌لاردا وئردیگی مئساژلارلا یونانیستان خالقی‌نین سینایاق دئدیگی بیر دوروشو وار، گنج، دینامیک. آلکسیس بو ایشی یاخشی قوللانما‌لی، یاخشی دگرلندیرمه‌لی" دئدی.
پرزیدنت اردوغان، سئچیم سونراسی تورکیه-یونانیستان ایلیشکیلریله علاقه‌لی اولا‌راق دا، "دؤولت‌لرین داوام‌لی‌لیغی اساس‌دیر" قورالین‌دان حرکتله هر یؤنه‌تیمله ارتباط حالیندا اولدوق‌لارینی، ایکی‌لی ایلیشکی‌لرین هر زامان یاخشی اولدوغونو ایفاده ائتدی.
تورکیه‌نین آوروپا بیرلیگی سوره‌جینه ده توخونان پرزیدنت، آوروپا بیرلیگینین بو گونه قدر هئچ صمیمی اولمادیغینی ایفاده ائتدی و "اومود ائدیریک کی صمیمی داورانیرلار، فصیل‌لر آچماق و گرک‌لرینی یئرینه یئتیرمک بیزیم اوچون ایکی آی" دئیه دانیشدی.
پرزیدنت، فرانسا‌داکی شارلی ائبدو سالدیریسینین سوء قصد اولوب اولمادیغینا باغلی بیر سوال اوزرینه، سوء قصد اوزرین‌دن حرکت ائده‌رک سوء قصد چیخارما چاباسینا گیرمه‌یی سئومه‌دیگینی وورغولادی و 16 آی حبس یاتان سالدیرقانلارین ندن استخبارات طرفین‌دن تعقیب ائدیلمه‌دیگینی سوروشدو.
نتانیاهونون پاریس‌دکی ترورو قیناما یئریییشینه قاتیلیمینی دا دگرلندیرن اردوغان، "اورایا قوناق اولمادیغی حالدا گلدیگینی اؤیرندیک. اورادا ترورو قیناماق اوچون بیر یئره گلیندیسه، ترورون دینی میلیتی اولماز. تروریست بارباردیر وحشیدیر. آنجاق نتانیاهو دؤولت ترورو اسدیرن بیر آدام‌دیر" دئدی.
ایلگیلی‌لی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر"
