تورکیه: سالدیریلار دوردورولسون!

تورکیه، ایسراییل‌دن غزه‌یه قارشی سالدیری‌لارینی دوردورماسینی ایسته‌دی.
خاریجی ایشلر باخانلیغین‌دان وئریلن آچیقلامادا، اولوسلارآراسی توپلوما چاغری یاپیلاراق، سالدیری‌لارین دوردورولماسینا دؤنوک اویاری و تلقین‌ ائدیلمه‌سی ایسته‌نیلندی.
خاریجی ایشلر باخانلیغی‌نین آچیقلاماسیندا، ایسراییلین غزه‌یه قارشی باشلاتدیغی حربی عملیاتین مظلوم غزه خالقی‌نین آجی‌لارینی داها دا آرتدیردیغینا دقت چئکیلدی.
بونون عینی زاماندا ایسراییله قارشی انفعاله ده سبب اولدوغونون وورغولاندیغی آچیقلامادا، "ایسراییلین غزه‌یه قارشی توپلو جزالاندیرما اوصولویلا داوام ائتدیردیگی هوجوم‌لارینی درحال دوردورماغا و باشدا بیرلشمیش میللت‌لر اولماق اوزره، اولوسلارآراسی توپلومو سرعتله دؤوره‌یه گیره‌رک، بو هوجوم‌لارین دوردورولماسینا دؤنوک گرک‌لی اویاریلاری وئرمه‌یه و تلقینلر‌ ائتمه‌یه چاغیریریق" دئییلدی.
آچیقلامادا، حساس بیر اورتامدا بوتون طرف‌لرین گئچمیش‌دکی آجی‌لاردان درس آلا‌راق اعیدال و ساغ‌دویویلا حرکت ائتمه‌لری‌نین اؤنمینه ده توخونولدو. آچیقلامادا، یئنی بیر شدت سارما‌لی‌نین اؤنلنه‌بیلمه‌سی باخیمین‌دان بونون اؤنم داشیدیغینا دقت چئکیلدی.