ایسلام دونیاسینا ساغ‌دویو چاغریسی
دیانت ایشلری باشچی‌سی محمت گؤرمز، مذهب قارشیدورما‌لاری‌نین، ایسلام دونیاسینی تهدید ائدر اؤلچویه گلمه‌سی اوزرینه ساغ‌دویو چاغریسی ائتدی
دیانت ایشلری باشچی‌سی محمت گؤرمز، مذهب قارشیدورما‌لاری‌نین، ایسلام دونیاسینی تهدید ائدر اؤلچویه گلمه‌سی اوزرینه ساغ‌دویو چاغریسی ائتدی.
گؤرمزین تورکجه قلمه آلدیغی متن؛ عربجه، فارسجا، اینگیلیس، فرانسیزجا، آلمانجا، روسجا و کوردجه‌یه چئوریلدی.
ایسلام دونیاسینا ۸ دیلده "باریش و قارداش‌لیق" چاغیریشی ...
مطبوعات آچیقلاماسی
ایسلام دونیاسیندا یاشانان بحران‌لار، سیاسی و حربی گرگین‌لیک‌لر، مذهب و مشربین دایاندیریلماق ایستنن قارشیدورما‌لار، ایسلام دونیاسی‌نین تهلوکه‌سیزلیگینی تهدید ائده‌جک اؤلچولره چاتمیش‌دیر. سون اولا‌راق موصول باشدا اولماق اوزره عراق و سوریه‌ده یاشانانلار، گرگین‌لیگی داها دا تیرماندیرمیشدیر. بو مدتده چیخاریلان قارشی‌لیق‌لی شدت بیان‌لاری، جیهاد اعلان‌لاری، مقدس مکان‌لارا دؤنوک تهدیدلر، اینسان قاچیرما و اؤلدورمه، یاخین‌لاشماقدا اولان کوتلوی فاجعه‌لری اؤن سارسینتی‌لاری یئرینده‌دیر. بو حادثه‌لرین بؤیویه‌رک گئری دؤنولمئز بیر نقطه‌یه گلمه‌سی وضعیتینده، ایسلام دونیاسیندا هومانیتار، اجتماعی، دینی و مذهبی آچیلاردان قالیجی پارچالانما‌لار یاشانماسی قاچینیلماز اولا‌جاق.
هر کسی پروبلئمین حلی اوچون اورتاق حرکت ائتمه‌یه و آشاغی‌داکی خصوص‌لار چرچیوهسینده داورانماغا دعوت ائدیریک.
۱. موسلمان شخصیتی، هر جور مذهبی، مشرب، جغرافی، ائتنیک، سیاسی و سیاسی عایدیت اوستونده‌دیر. هئچ بیر قورولوش، ایسلام قارداش‌لیغینی و وحدتینی پوزماغا ایستیقامت‌لی ایشلره ایجازه وئرممه‌لی‌دیر. قران و سنت، اینسان‌لارین بیر بیرینه جانینی، قانینی، مالینی و عصمتینی توخونولماز ائتمیش‌دیر. حاق‌سیز یئره بیر اینسانین قانینی تؤکمک، دینی باخیمین‌دان ان بؤیوک جینایت اولا‌راق قبول ائدیلمیش‌دیر.
۲. ۱٤۰۰ ایلدیر بوتون فرقلیلیکلریله بو گون‌لره گلن بیر جمعیتی دینی، مذهبی و ائتنیک تمل‌لره سؤیکنن بیر قورولوش ایله ایداره ایمکانی یوخ‌دور. هئچ کیم و یا هئچ بیر قروپ، بیر باشقاسی‌نین اینانجینا، دیرینه و دوشونجه‌سینه دؤیوش آچا بیلمز. هر کس یاشادیغی تورپاق‌لاردا تاریخی تجروبه‌سینه اویغون اولا‌راق آزادجا یاشاماق حاقینا صاحب اولمالیدیر. بونون عکسینه اولان هر توتوم و داورانیش، سلام و امان یوردو اولان بو تورپاق‌لاردا فیتنه چیخارماق ایسته‌ین عنصورلار اولا‌راق گؤرولمه‌لی‌دیر.
۳. تاریخی سورج ایچری‌سینده اورتایا چیخان اهل بیت و اهل سنت عنعنه‌لرینی بیر بیرینه قارشی اولا‌راق گؤروب بونون اوزرین‌دن گوج موباریزه‌سینه گیرمک بؤیوک بیر فیتنه اولا‌راق گؤرولمه‌لی‌دیر. اهل بیت ده اهل ستن ده حضرت پیغمبر افندیمیزدن‌دیر. بو عنصورلارین بیر بیرلریله قارشیدورما حالیندا اولدوغونو مدافعه ائتمک، اصلا قبول ائدیله بیلمز.
٤. هر هانسی بیر مسلمان قروپ، طریقت و یا جماعتین، اؤز دینی آنلاییشینی موطلق حقیقت قبول ائده‌رک دیگر آنلاییش‌لاری اؤتکیلشدیرمسی، تکفیر ائتمه‌سی، تکفیر ائتدیک‌لرینی ده اؤلومه محکوم ائتمه‌سی اصلا قبول ائدیله بیلمز. بو جور آنلاییش‌لاری مشروعلاشدیراجاف هئچ بیر یاناشما، آنلاییش و گؤروشون، ایسلام‌دان دستک تاپماسی مومکون دئییل.
٥. مسلمانام دئین هر کس ایسلام دایره‌سینده‌دیر. هئچ کیمین بیر باشقاسینی ایسلام‌دان چیخارتما صلاحیتی یوخ‌دور. تکفیری اساس آلان یاپیلار، نئجه کی تاریخده مسلمان ویجدان‌لار طرفین‌دن محکوم ائدیلمیشسه بو گون ده نو ظهور بو دوشونجه‌لرین معشری ویجدان طرفین‌دن قبول گؤرمیجیی آچیق‌دیر. ساغ دویو و ویجدان صاحبی هر مسلمان، بصیرت و فراستیله، بو جور یاپیلارین کؤکلشمه‌سینه هئچ بیر زامان فورصت وئرمه‌یه‌جک.
٦. چیخار قارشیدورما‌لاری‌نین قوربانی اولان مدافعه‌سیز اینسان‌لارین، اوشاق‌لارین، قادین‌لارین و یاش‌لی‌لارین یوخ ائدیلمه‌سی و اینسان‌لارین یئرلرین‌دن یوردلاریندان سورولمه‌سی اوزرینه اینشا ائدیله‌جک بیر قورولوشون، اؤزونو ایسلاملا باغداشدیرماسی مومکون دئییل.
۷. بعضی دایره‌لرین، نجف و کربلادا اولان اهل بیتین بؤیوک‌لری حضرت علی، حضرت حسین و ابوالفضل عباس کیمی معنوی شخصیت‌لرین مزارلاری‌نین تخریب ائدیلمه‌سینه ایستیقامت‌لی تهدید احتیوا ائدن شرح‌لری اصلا قبول ائدیله بیلمز. چونکو نجف و کرب‌لا کیمی مستثنی مکان‌لار، حضرت علی، حضرت حسین و ابوالفضل عباس کیمی اهل بیت بؤیوک‌لری، شیعه‌لرین و یا سنی‌لرین دئییل، بوتون ایسلام اومتی‌نین اورتاق، بؤیوک دیرلری‌دیر.
۸. عینی شکیلده بعضی دایره‌لرین دیگرلرینه قارشی جیهاد اعلان ائتمه‌سی ده قبول ائدیله بیلمز. چونکو قران و سنت، مسلمانین مسلمانا جانینی و قانینی حالال گؤرن بیر جیهادی اصلا امر ائتممیش‌دیر. بو گون مسلمان‌لارین بوتونلوکله باش ووردوغو ان بؤیوک جیهاد، فاناتیزمه، کاسیبلیغا، جهالته، فیتنه‌یه و تفریقه‌یه قارشی ائده‌جک‌لری جیهاددیر. هئچ کیم، ظلمه قارشی جیهاد ادعاسییلا باشقا مظلومیتلرین یاشانماسینی قانونی گؤستره بیلمز.
۹. بو مدتده فردی اولا‌راق عالیم‌لردن و دینی تشکیلات‌لاردان اعلان ائدیلن فتوا‌لار، سون درجه قایغی وئریجی‌دیر. بو گون، عالیم‌لره دوشن ان بؤیوک وظیفه، مسلمان توپلوم‌لاری آیریشدیرمایا ایستیقامت‌لی فتوا‌لار وئرمک یئرینه؛ ایسلام دونیاسین‌داکی فرق‌لی‌لیک‌لری بیر رحمت و زنگین‌لیک اولا‌راق گؤروب باریش ایچینده بیرلیکده یاشاماق اخلاقینی و حقوقونو یئنی‌دن اینشا ائتمک اولمالیدیر. بو گون، مذهب قارشیدورماسینی و آخان قانی دایاندیرماغا بیر سؤزون هئچ بیر قیمتی اولمادیغی کیمی، آخا‌جاق قانا سبب اولا‌جاق فتوا‌لارین دا هئچ بیر دیری یوخ‌دور. عکس تقدیرده بوتون ایسلام عالمی جینایت محیطینه، بوتون ایسلام عالیم‌لری ده جینایت اورتاغینا چئوریلیر. بوتون بو اولوب بیتن‌لری یالنیز قایغییلا ایزلمک چاتماز. ائلیم نتیجه‌لر دوغورا‌جاق بیر قارشیدورمانی انگللمک اوچون بوتون دینی لیدئرلر و عالیم‌لر بیرلیک ایچینده حرکت ائتمه‌لی‌دیر. بو هامیمیزین دینی، اخلاقی و ویجدانی وظیفه‌سی‌دیر.
۱۰. سیجاق قارشیدورما بؤلگه‌لرین‌دکی دینی تشکیلات و قوروم‌لارین نماینده‌لری بیر آرایا گله‌رک باشدا عراق و سوریه اولماق اوزره قارشیدورما ساحه‌لریله ایلگیلی دینی و اخلاقی اساس‌لی حل جهدلرینی باشلاتما‌لی‌دیر. ایسلام دونیاسین‌داکی دینی-معنوی ساحه‌دکی قناعت لیدئرلرین‌دن عبارت اولان بیر هیات، مذهب یؤنوم‌لو آیریشما‌لارین اورتا‌دان قالدیریلماسی اوچون گیریشینده اولمالیدیر. بو ایستیقامتده اولوسلارآراسی اؤزللیگه صاحب مسلمان تشکیلات و قورولوش‌لار، مسئولیت بوینونا گؤتورمه‌لی‌دیر. دیانت ایشلری باشقانلیغیمیز، بو مؤوضوعدا وظیفه بوینونا گؤتورمک‌دن موتلولوق دویا‌جاق.
قامواویونا حؤرمت ایله دویورولور.
