تورکیه مطبوعاتی اؤزتی 20.2.2019
دونیاجا مشهور پیانوچو و بستهکار فاضیل سای، آلمانیانین برمن شهرینده کونسرت وئریب
تورکیه مطبوعاتی اؤزتی 20.2.2019
یئنی شفق: "اردوغان: یئنی کؤچمن دالغاسینی تکباشینا سینه چکهمهیهجگیک
جمهورباشقانی رجب طیب اردوغان، ایستانبولدا بوداپشت پروسهسی 6-جو ناظیرلر کونفرانسینین آچیلیش یئمگینده دانیشدی. اردوغان، ایدلیب آنلاشمانین بؤیوک کؤچو مانع اولدوغونو بیلدیرهرک، "یئنی بیر کؤچ دالغاسی باش وئرمهسی حالیندا بونو تک باشیمیزا سینه چکهمهیهجگیک. اؤلکهمیزین تروردان تمیزلدیگی بؤلگهلر سوریهنین ان الوئریشلی، راحت ساحهلریدیر. تهلوکهسیز بؤلگه فورمولو سوریهلی قاچقینلارین رپاتریاسیاسی اوچون ان پراکتیک حلّ یولودور" دئدی.
حریت: "فاضیل سای، برمنده کونسرت وئردی"
دونیاجا مشهور پیانوچو و بستهکار فاضیل سای، آلمانیانین برمن شهرینده کونسرت وئریب. آلمانیا پرزیدنتی فرانک-والتر اشتاین مایر و خانیمی الکه بودنبندر-ین ده ایزلدیگی کونسرتده سای،اورکستر رهبری استیون سلوان رهبرلیگینده برمن فیلارمونی اورکستری همراهلیغیندا وولفقانق آمادئوس موزارت، لئونارد برنستین و جورج گرشوینین اثرلرینی سسلندیردی.
وطن: "کیملیکله سیاحت ایله مولدووالی توریست ساییسی 200 مینی کئچهجک"
تورکیه ایله مولدووا آراسیندا دونن باشلایان قارشیلیقلی کیملیکله سیاحت دؤورونده، مولدووادان گلن توریست سایینین 200 مین نفرین اوزرینه چیخماسی گؤزلنیلیر. تورکیهیه مولدووادان گلن توریست ساییسی کئچن ایل یوزده 13.25 آرتیملا 194 مین نفره یوکسلیب.
ایستار: "یئر یئر 50 سانتیمتره چاتیر: توریستلر آخین ائدیر"
قارص-آرداحان سرحدیندکی شرقی آنادولونون ان بؤیوک ایکینجی گؤلو اولان چیلدیردا یئرلی و خاریجی توریست قالابالیغی یاشانیر. بوز قالینلیغینین یئر یئر 30 ایله 50 سانتیمتر قالینلیغا چاتدیغی گؤل اوزرینده، توریستلر بوز اوستونده گزمگین، آتلی ایسکیلره مینمگین کفینی چیخاریب.
خبر تورک: "آئورت آنوریزماسی عملیاتینا تورک ایمضاسی"
تورک علم اینسانلاری، ایکی یارپاقلی اورک قاپاقجیغی اولان و اورکدن چیخان باش داماریندا آنوریزم (آئورت آنوریزماسی) اولان خستهیه، قاپالی اصوللا بیولوژیک اورک قاپاغی و دامارین تاخیلدیغی ایلک عملیات ائتمهیه ایمضا آتدی. آنکارا اونیورسیتهسی (AÜ) طیب فاکولتهسی اورک و دامار جراحیسی آنابیلیم بؤلومو عضوو دوکتور سرخان دایاندی، آئورت آنوریزما-سیندا قاپالی جراحیه ایله بیرلیکده خصوصی بیر آنستزی اصولونو تطبیق ائدهرک، بو ساحهده یئنی بیر عملیات کئچیردیکلرینی بیلدیردی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.