تورکیه مطبوعاتی اؤزتی 11.12.2019
بورسا ایستانبول دونن 109 مین 378 پوئنه قدر یوکسه‌له‌رک 20 آیین رکوردونو قیردی
تورکیه مطبوعاتی اؤزتی 11.12.2019
خبر تورک: "اردوغان: 'نوبل اؤزونو بیتیردی"
پرزیدنت رجب طیب اردوغان، 2019 نوبل ادبیات موکافاتی‌نین سربرنیتسا قتل عامینی اینکار ائدن و صرب ساواش گوناهکارلارینی ساوونان پیتر هانتکه‌یه وئریلمه‌سینه اعتراض گؤستردی. نوبل اؤزونو بیتیرمیش‌دیر. منیم اوچون هئچ بیر قیمتی یوخ‌دور ایفاده‌سینی ایستیفاده ائدن اردوغان، اؤزونه نوبل موکافاتی وئریلدیگی تقدیرده قبول ائتمیه‌جگینی سؤیله‌دی.
ایستار: "اردوغان: لیبی طلب ائتسه عسگر گؤندره 'پرزیدنت رجب طیب اردوغان آنکارا بیلکنت اونیورسیته‌سینده دونیا اینسان حاق‌لاری گونو چرچیوه‌سینده تشکیل ائدیلن " هر اینسان بیر دونیا" موضوعلو پروقرامدا سوال‌لاری جوابلادی. تورکیه لیبی‌یه عسگر گؤندره‌جک می؟ سوالینا جواب وئرن پرزیدنت اردوغان، طلب اولسا لازیم اولانی ائدریک، اؤنوموزده مانع یوخ‌دور.دئدی.
یئنی شفق: "تورک آخیم اوچون گئری سایما باشلادی"
روسیادان تورکیه و آوروپایا طبیعی گاز داشییا‌جاق تورک آخیم طبیعی گاز بورو خطی پروژه‌سی‌نین آچیلیشی اوچون ایستانبولدا پرزیدنت رجب طیب اردوغان و روسیا دولت باشقانی ولادیمیر پوتین‌ین قاتیلیمی ایله تشکیل ائدیلمه‌سی پلان‌لانان مراسیمده بیر آیدان آز بیر زامان قالدی.
آچیلیش مراسیمی‌نین ایستانبولدا پرزیدنت رجب طیب اردوغان و روسیا دولت باشقانی ولادیمیر پوتین‌ین قاتیلیمی ایله 8 ژانویه 2020ده کئچیریلمه‌سی پلانلاشدیریلیر.
صاباح: "تکنوفست 2020 غازی آنتپده ائدیله‌جک"
T3 تکنولوژی فوندو طرفین‌دن تورکیه‌ده هاواجیلیقین و علمین اینکیشافی اوچون رئال‌لاش‌دیریلان تکنوفست‌ین 3اوچونجوسو اوچون سلچوق بایراکتاردان آچیقلاما گلدی. سوسیال مئدیا حسابین‌دان آچیقلاما ائدن بایکارین تکنیکی دیرکتورو سلچوق بایراکتار، میللی تکنولوژی حمله‌سینین فستیوا‌لی تکنوفست، 2020ده میللی موباریزه‌نین غازی شهری غازی آنتپده تشکیل ائدیله‌جک ایفاده‌لرینی ایستیفاده ائتدی. 2 ایلدیر زیارتچی رکوردلاری قیران تکنوفست، بو ایل 22-27 سپتامبر تاریخ‌لرینده غازی آنتپده رئال‌لاش‌دیریلا‌جاق.
وطن: "بورسا ایستانبولدان رکورد اوستونه رکورد" بورسا ایستانبول دونن 109 مین 378 پوئنه قدر یوکسه‌له‌رک 20 آیین رکوردونو قیردی. آنالیتیک‌لر آوریل 2018 تاریخین‌دن بری ان یوکسک سویه‌نی گؤرن اندکس‌ین، 111.200 سویه‌لرینی گؤره بیله‌جگی گومان ائدیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
