تورکیه مطبوعاتی اؤزتی 11.2.2019

تورکیه مطبوعاتی اؤزتی 11.2.2019

خبر تورک: "یئنی آتاتورک مدنیت مرکزی‌نین تمل‌لری آتیلدی"

ایستانبول تاکسیم میدانیندا آتاتورک مدنیت مرکزی‌نین تمل آتما مراسیمینده دانیشان پرزیدنت رجب طیب اردوغان، تورکیه‌نین صنعت و مدنیت حیاتیندا مسیر آچا‌جاق اهمیت‌لی بیر آددیم آتدیق‌لارینی بیلدیریب. اردوغان، دونن کئچیریلن مراسیمده، آتاتورک مدنیت مرکزی‌نین 95 مین 600 متر مربع قاپا‌لی ساحه‌یه مالیک 5 آیری بلوک‌دان عبارت اولاجاغینی قئید ائده‌رک، "ایستانبول آتاتورک مدنیت مرکزینی 2 ایل کیمی قیسا بیر مدت ایچینده تاماملایا‌راق صنعتکارلاریمیزین و صنعت‌سئورلرین خیدمتینه تقدیم ائدجگیک." دئیه دانیشدی.

وطن: "تورکیه و روسیا‌دان بؤیوک طرفداش‌لیق! ایستانبول و آنتالیا واریانت‌لاری ماسادا".

روس-تورک مشترک اونیورسیته‌سی تفرواط‌لاری بللی اولور. دولت باشقانی رجب طیب اردوغانین آوریل آییندا کئچیریلمه‌سی گؤزلنیلن روسیا سفرینده روسیا پرزیدنتی ولادیمیر پوتین ایله کئچیرجگی گؤروشمه‌ده روس-تورک مشترک اونیورسیته‌سی مسئله‌سی‌نین گوندمه گلمه‌سی گؤزلنیلیر. ایکی اؤلکه‌نین بیرگه اونیورسیته‌سی اوچون لوکاسیون موضوعسوندا ایستانبول و آنتالیا واریانت‌لاری اوزرینده دایانیلیر.

حریت: "ایستانبول هاوا لیمان‌لاریندا 7 میلیون 968 مین 882 یولچو قوناق ائدیلیب"

آتاتورک، سابیها گؤکچن و ایستانبول هاوا لیمان‌لاریندا، ژانویه آییندا ایجرا ائدیلن ایچ و خاریجی خط یوروش‌لری، کئچن ایلین عینی دؤورونه گؤره مین 68 آرتا‌راق، 56 مین 420 اولوب. عینی زاماندا، بو هاوا لیمانلاریندان‌ حیاتا کئچیریلن گلیش و گئدیش سفرلری 7 میلیون 968 مین 882 یولچو داشینیب. بو ایلین ایلک آییندا 56 مین 420 ایچ و خاریجی خط سفرلری تشکیل اولونان ایستانبول‌داکی هاوا لیمان‌لاریندا، همین دؤورده 7 میلیون 968 مین 882 یولچو قوناق ائدیلیب.

ایستار: "قورو میوه ایخراجی 1 میلیارد 388 میلیون دو‌لارا چاتیب"

تورکیه‌نین قورو میوه ایخراجی 2018-جی ایلده یوزده 8.5 ایخراجلا 1 میلیارد 279 میلیون دو‌لاردان 1 میلیارد 388 میلیون دو‌لارا یوکسلیب. آلمانیا 178 میلیون دو‌لار ایله ان چوخ قورو میوه ایخراج ائدیلن اؤلکه اولارکن، بؤیوک بریتانیا 164 میلیون دو‌لارلیق تورک قورو میوه‌سی اوستون ائتدی. ایتالیا ایسه؛ 102 میلیون دو‌لارلیق قورو میوه ایخراجی ایله اوچونجو سیرایا قویدو. قورو میوه ایخراج ائدیلن اؤلکه ساییسی دا 143 اولدو.

یئنی شفق: "چیچک ماغازا‌لارین 2019 هدفی: 85 اؤلکه‌یه ایخراجات"

کئچن ایل 100 میلیون دو‌لار ایخراجات حیاتا کئچیرن تورک کسمه چیچک سکتورو، بو ایل 85 اؤلکه‌یه چاتا‌راق، 125 میلیون دول‌لار ایخراجات گؤستریجی‌سینه نایل اولماغی هدفلییر. اورتا آنادولو بزک بیتکی‌لری و ممولات‌لاری ایخراجاتچی‌لاری بیرلیگی‌نین صدری ایسماعیل ییلماز، ان اؤنملی بازارلاری‌نین هولند و اینگیلتره اولدوغونا توخونا‌راق، سون ایللرده اؤزبکیستان بازاریندا دا اهمیت‌لی بیر آرتیم اولدوغونا دقتی چکدی.