تورکیه مطبوعاتی اؤزتی 14.1.2019
تورک ارزاق محصوللارینین ژاپون و جنوبی کورهیه ایخراجاتینی یوزده 36لیک آرتیملا 115 میلیون دولاردان 156 میلیون دولارا قالدیردی
تورکیه مطبوعاتی اؤزتی 14.1.2019
یئنی شفق: "هاوا حرکاتیندا 3 ترورچو اؤلدورولوب
"عراقین شمالینداکی زاپ ایله سینات-هافتانین بؤلگهلرینه یؤنلیک اوّلکی گون تشکیل اولونان هاوا حرکاتلاریندا ان آزی 3 ترورچو اؤلدورولوب. میللی ساوونما ناظیرلیگیندن ائدیلن آچیقلامادا، همچینین، "زاپ، سینات-هافتانین بؤلگهلرینه 12 ژانویه 2019دا کئچیریلن هاوا حرکاتلار نتیجهسینده ترور تشکیلاتینا عایید سیلاح مرکزی و سیغیناجاقلار یوخ ائدیلمیشدیر." دئییلدی.
خبر تورک: "صیفیر نقطهسینده بؤیوک مانور
"تورک سیلاحلی گوجلری طرفیندن سوریه سرحدیندکی بیرلیگلره کؤمک مقصدلی گؤندریلن بیرلیکلر، حاتای سرحدینده مانور فعالیتی حیاتا کئچیریب. قوماندو بیرلیکلری ده اراضیده مین آختارما، دییشمه و موشاهیده مانورو ائدیب.
صاباح: "تورک هاوا ساحهسیندن 15 ثانییهده بیر اوچاق کئچدی
"اولاشدیرما و آلت یاپی ناظیری جاهیت تورحان، کئچن ایل تورکیه هاوا ساحهسیندن اورتا حسابلا هر 15 ثانیهده بیر اوچاق کئچدیگینی بیلدیریب. تورحان، سون ایللرده اوچاق سیاحت ائدن یولجو ساییسیندا دا اهمیتلی آرتیم گؤرولدوگونو بیلدیرهرک، "سون 10 ایلده هاوا یولو ایله داشینان یولجو ساییسی هر ایل اورتا حسابلا یوزده 10.5 بؤیویهرک 62 میلیوندان 210 میلیونا یوکسلیب." دئدی.
ایستار: "میللی سیلاحدا غورور گونو
"فرات قالخانی و زیتون دالی حرکاتلاریندا چیخیشییلا گؤز دولدوران یئرلی و میللی اینسانسیز هاوا واسطهسی ایله دونیانین دقتینی چکدی. قطردن سونرا اوکراین دا 6 سیلاحلی بایراقدار تب2 تیپی ایها آلماق اوچون تورکیه ایله آنلاشما ایمضالادی.
حرّیت: "ژاپونلار و جنوبی کورهلیلرین اوستونلوگو تورک قیدا محصوللاری
"اژه ایخراجاتچی بیرلیکلری طرفیندن تورک ارزاق محصوللارینین ژاپون و جنوبی کوره بازارلاریندا تانیدیلماسینا یؤنلیک آپاریلان Turquality پروژهسی، تورک ارزاق محصوللارینین ژاپون و جنوبی کورهیه ایخراجاتینی یوزده 36لیک آرتیملا 115 میلیون دولاردان 156 میلیون دولارا قالدیردی
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.