تورکیه مطبوعاتی اؤزتی 24.12.2018
آنتالیا دؤرد ایل سونرا خاریجی توریست ساییسیندا ایستانبولو کئچدی
![تورکیه مطبوعاتی اؤزتی 24.12.2018](http://cdn.trt.net.tr/images/xlarge/rectangle/f259/92c5/f37c/5bf7999845b23.jpg?time=1718946180)
تورکیه مطبوعاتی اؤزتی 24.12.2018
حرّیت: "پرزیدنت اردوغان آرناووتکؤی دانیشدی
جمهورباشقانی رجب طیب اردوغان ایستانبول آرناووتکؤی دونن کئچیریلن کوتلوی آچیلیش مراسیمیندکی چیخیشیندا ایسرائیل باش ناظیری بنیامین نتانیاهویا آغیر اعتراض گؤستردی. اردوغان، "نتانیاهو سن سهو قاپییا ووردون. اردوغان مظلوملارین سسیدیر. سن ظالملارین سسی. سن دولت ترورو حیاتا کئچیریرسن. سن ظالمسان" دئدی.
یئنی شفق: "ایبراهیم قالین و عمر چلیک نتانیاهویا اعتراض
"تورکیهمی قیبریسده ایشغالچی آدلاندیراراق تورک اوردوسونون ترور عملیاتلاری ایله باغلی ایتتیهام ائدیجی ایفادهلر قوللانانان بنیامین نتانیاهویا اعتراض گؤسترن پرزیدنت سؤزچوسو ایبراهیم قالین،" اؤلکهسینده آراشدیرمالارلا باشی بلادا اولان نتانیاهو، دقتی داغیتماغا چالیشیر، اما نافیله. ایسرائیلین ایشغال و ظلم سیاستینی هئچ بیر شکیلده اؤرت-باسدیر ائدهمز، پرزیدنتیمیزی سوسدورامازلار" دئدی. عدالت و قالخینما پارتیسی سؤزچوسو عمر چلیک ده "پرزیدنتیمیزه و اوردوموزا سالدیری ائدهرک حقیقتلری گیزلنهجگینی ظن ائدیر" ایفادهلرینی ایستیفاده ائتدی.
صاباح: "قندیل و هاکورکا هاوا عملیاتی
"عراقین شمالینداکی قندیل و هاکورک منطقهلرینه یؤنهلیک دونن کئچیریلن هاوا حرکاتلاریندا پایگاه حیسهلرینه سالدیری حاضیرلیغینداکی 6 تررورچو اؤلدورولدو. هاوا حرکاتلاریندا، ترور تشکیلاتینا مخصوص ماغارا و سیغیناجاقلار دا یوخ ائدیلیب.
ایستار: "قهرمان دنیز گوجلری شرقی آغدنیزینده بین الخالق سولاردا تحصیل فعالیتینه قاتیلیب.
"میللی ساوونما ناظیرلیگینین رسمی توئیتر حسابیندان آپاریلان پایلاشیمدا، قهرمان دنیز گوجلرینه عایید بیر ساواش گمیسی و هلیکوپترین، شرقی آغدنیزینده بین الخالق سولاردا تحصیل فعالیتینه قاتیلدیغی وورغولانیب. میللی ساوونما ناظیرلیگینین سوسیال مئدیا حسابی توئیتر چاتدیریلان تحصیل فعالیتی آچیقلاماسیندا "دنیز گوجلریمیزه مخصوص ت.ج.گ گیرسون ساواش گمیسی و بیر دنیز هلیکوپتریمیز ایله فرانسا دنیز گوجلرینه عایید FS ACONIT گمیسینین قاتیلیمی ایله، 21 دسامبرین 2018" ده، شرقی آغدنیزینده بین الخالق سولاردا دنیز تعلیملری ایجرا ائدیلمیشدیر" معلوماتلاری یئر آلیب.
خبر تورک: "آنتالیا دؤرد ایل سونرا خاریجی توریست ساییسیندا ایستانبولو کئچدی
"تورکیهده ان چوخ اجنبی توریستین زیارت ائتدیگی شهرلر سیرالاماسیندا 2000- 2014-جی ایللر آراسیندا تورکیه بیرینجیسی اولان آنتالیا، 2014ده وئردیگی و 4 ایلدیر ایستانبولون الینده اولان لیدرلیگی بو ایل گئری آلدی. آنتالیا شهر شوراسی توریزم ایشچی قروپونون رهبری رجب یاووز، رسمی رقملره گؤره، بو ایلین اوکتوبر آیی سونو اعتباریله آنتالیانین خاریجی توریست زیارتچی ساییسینین 12.5 میلیون رقمینی کئچدیگینی، ایستانبولون ایسه 11 میلیون 340 مینه چاتدیغینی سؤیلهدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718946180)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.