تورکیه مطبوعاتی اؤزتی 14.12.2018
شب عروس هر مدنیتدن اینسانی کونیادا قؤروشدورور
تورکیه مطبوعاتی اؤزتی 14.12.2018
صاباح: "ناظیر وارانک: 20 ایللیک یوخو گئرچک اولدو
"جمهورباشقانلیغی فرمانی ایله تورکیه کوسموس آژانسی یارادیلماسی حاقیندا قرار رسمی قزئتده درج اولونوب. صنایع و تکنولوژی ناظیری مصطفی وارانک، کوسموس تکنولوژیلری باغلی سیاست و ایستراتژیلری معین ائدهجک تورکیه کوسموس آژانسینین یارادیلماسی 20 ایللیک یوخونون حقیقت اولدوغونو بیلدیرهرک، تورکیهنین میللی چیخارلارینین کوسموسدا دا قوریویاجاغینی ایفاده ائتدی.
وطن: "پاکیستاندان سونرا ایکینجی ATAK سیفاریشی فیلیپین"
T129 ATAK تاکتیک کشف و ساواش هلیتوپترو، پاکیستانین سونرا فیلیپینه ده ایخراج ائدیلهجک. فیلیپین ساوونما ناظیری دلفین لورنزانا وئردیگی بیاناتدا ساتیش دانیشیقلارینین بیر نئچه آی عرضینده باشا چاتدیریلماسینین نظرده توتولدوغونو سؤیلهدی.
حریت: "آنتالیایا هاوا یولو ایله گلن زیارتچی سایی آرتیب"
توریزمین پایتختی آنتالیایا، ژانویه - اوکتوبر دؤورونده هاوا یولو ایله 12 میلیون 513 مین 271 اجنبی زیارتچی گلیب، زیارتچی سایی اؤتن ایلین عینی دؤورو ایله موقاییسهده 30% آرتیب. ژانویه - اوکتوبر دؤورونده خاریجدن گلن زیارتچیلر میللیت گؤره تدقیق ائدیلدیکده، رقملی اولاراق ایلک ساییسی 4 میلیون 570 مین 4 نفر ایله روسیا آلیب. همین دؤورده آلمانیادان 2 میلیون 227 مین 266، اوکرایندان 709 مین 74، اینگیلترهدن 624 مین 348، لهستاندان 374 مین 955، هولنددن 370 مین 703، قازاخیستاندان 220 مین 505 زیارتچی گلیب.
خبر تورک: "شب عروس هر مدنیتدن اینسانی کونیادا قؤروشدورور
"کونیادا، شب عروس آدی ایله تانینان صوفی حضرتی مولانانین 745-جی داوام یوبیلئیی اولوسلار آراسی آنما مراسیملری" یئرلی و خاریجی توریستلرین قاتیلیمی ایله داوام ائدیر. بو ایل "سلام واختی" اساس موضوعسو تشکیل اولونان تدبیرلره دایر، آچیقلاما ائدن کونیا بؤیوکشهر بلدیه باشقانی اوغور ایبراهیم آلتای، کونیالیلارین، تورکیهنین و دونیانین ان نفوذلو تشکیلاتلاری آراسیندا یئر آلان شب عراسا یورد ایچی و خاریجیندن قاتیلان قوناقلاری ان گؤزل شکیلده قارشیلادیغینی دئییب.
ایستار: "چای ایخراجیندان 6.3 میلیون دولارلیق گلیر"
بو ایلین 11 آیلیق دؤورونده کئچیریلن چای ایخراجی 6 میلیون 271 مین دولارا چاتیب. دوغوی قارا دنیز ایخراجاتچیلار بیرلیگی ایداره هیاتی باشقانینین معاوینی احمد حمدی گوردوغان تورک چایینین بو دؤورده 103 اؤلکهیه ایخراج ائدیلدیگینی بیلدیریب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.