تورکیه مطبوعاتی اؤزتی 27.11.2018
دؤنمز: نفت و یا طبیعی گاز تاپانا قدر هئچ واخت دایانمایاجاغیق"
تورکیه مطبوعاتی اؤزتی 27.11.2018
خبر تورک: "چاووش اوغلودان روسیا و اوکراینا چاغیریش"
خاریجی ایشلر ناظیری مولود چاووش اوغلو، قارا دنیزده قارشی-قارشییا گلن روسیا و اوکراینایا عقل چاغیریشی ائتدی. چاووش اوغلو، اسلوواکی خاریجی ایشلر و آوروپا ایشلری ناظیری میروسلاو لاجاک ایله کئچیردیگی بیرگه مطبوعات کونفرانسینین آردیندان گوندمه دایر سواللاری جوابلاندیریب. روسیا ایله اوکراین آراسیندا باشلایان تازا گلیشمه'لره باغلی سوال اوزرینه چاووش اوغلو، "بو پروسه'سی یاخیندان تعقیب ائدیریک. هر شئیدن اوّل هم اوکراین، هم ده روسیایا بو پروسه'ده مسئولیتلی داورانمالاری دعوت ائتمک ایستییرم. البته، کریمه'نین ایستاتوسو و یئنه ده بعضی مسئلهلرده موباحیثهلر داوام ائدیر، حلّ ائدیلمهین پروبلملر وار. غیری-معینلیک ده وار، اما دیگر طرفدن بو پروبلملرین حلّی زامان آلابیلر" شکلینده دانیشدی.
وطن: "سون بیر هفتهده 18 ترورچو ضررسیزلشدیریلیب"
ایچ ایشلر ناظیرلیگی، ایچ امنیت عملیاتلاری چرچیوهسینده 1 هفتهده 18 ترورچونون ارلدورولدوغونو آچیقلاییب. آچیقلامادا، 19-26 نوامبر گونلری آراسیندا 2 مین 680 عملیات کئچیردیگی قئید اولونوب. عملیاتلاردا بؤلوچو ترور تشکیلاتی پ.ک.ک ایله علاقهلی 212، فتح اللهچی ترور تشکیلاتی ایله علاقهلی 585، ترور تشکیلاتی داعش ایله علاقهلی 31 و سول ترور تشکیلاتلاری ایله علاقهلی اولدوغو قیمتلندیریلن 38 نفر ساخلانیلیب.
حرّیت: "سکتورلارا اعتبار اندکسلری یوکسلیب"
خیدمت سکتورو اینام اندکسی نوامبردا یوزده 5.4، پراکنده تیجارت سکتورو اینام اندکسی یوزده 4،3 آرتیب. تورکیه ایستاتیستیک قورومو، نوامبر آیینا دایر سکتورلارا اعتبار اندکسلرینی یاییب. بونا گؤره، موسوم تأثیرلریندن تمیزلنمیش خیدمت سکتورو اینام اندکسی سپتامبر آییندا 75.7 ایکن، بو آی یوزده 5.4 آرتاراق 79.8 دگرینه یوکسلدی. موسوم تأثیرلریندن تمیزلنمیش پراکنده تیجارت سکتورو اینام اندکسی ده نوامبر آییندا 4.3% آرتاراق 90.7 اولوب.
ایستار: " دؤنمز: نفت و یا طبیعی گاز تاپانا قدر هئچ واخت دایانمایاجاغیق"
انرژی و طبیعی قایناقلار ناظیری فاتیح دؤنمز، فاتیح گمیسی ایلک درین دنیز اؤزولونون سونرا مرسین'ده دایاز دنیز اؤزولونه باشلاناجاغینی بیلدیریب. دؤنمز، دایاز دنیز قازمانی باشلاما مراسیمینده ائتدیگی چیخیشیندا، شرقی آغدنیزده صاحب اولدوغوموز یئتکی ساحهلری ایچریسینده ایلک اولاراق ایکی عدد دایاز دنیز کشفیات قویوسو قازاجاغیق. هامیسی تورک موهندیسلر طرفیندن حاضیرلانمیش و پلانلاشدیریلمیش بو قویولاردان سونرا دا، نتیجه نه اولورسا اولسون، قازمایا داوام ائدجگیک. قازدیغیمیز قویولاردا نفت و یا طبیعی گاز تاپانا قدر هئچ واخت دایانمایاجاغیق. دئدی.
صاباح: "توتتهام - اینتر اویونو جونئید چاخیرین".
فیفا کوکارتلی حاکم جونئید چاخیر، توتنهام ایله اینتر آراسیندا صاباح (28 نوامبر، چرشنبه) اویناناجاق اوئفا شامپیونلار لیگی ب قروپو موسابیقهسینه داورلیق ائدهجک. ومبلی ایستادیوموندا تورکیه ساعتی ایله 23.00ده باشلایاجاق موسابیقهده چاخیرین معاوینلرینی باهاالدین دوران و طاریق بول ائدهجک. مصطفی امره ائیسویون دؤردونجو حاکم اولاجاغی قارشیلاشمادا، حسین کؤچمه ایله سوله ایلدیریم علاوه یاردیمچی حاکملیک وظیفهلرینده اولاجاق.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.