تورکیه مطبوعاتی اؤزتی 14.11.2018
تورک هاوا یوللاری 31 اوکتوبر تاریخی اعتباریله اوچوشلارا باشلادیغی ایستانبول هاوا لیمانیندان بو گونه قدر 15 مین یواجونون داشیدیغی ایلین سونونا قدر ایسه 43 مین نفرین بیلت رزرواسیون ائتدیردیگینی آچیقلایب
![تورکیه مطبوعاتی اؤزتی 14.11.2018](http://cdn.trt.net.tr/images/xlarge/rectangle/0527/3e69/9a11/5b46f20fe501a.jpg?time=1719005405)
تورکیه مطبوعاتی اؤزتی 14.11.2018
وطن: "فواد اوکتای دویوردو؛تورکیه چکیلدی"
پرزیدنت معاوینی فواد اوکتای، دونن، تورکیهنین ایتالیادا کئچیریلن بین الخالق لیبی کونفرانسیندان چکیلدیگینی آچیقلاییب. کونفرانسین کئچیریلدیگی پالرمو شهریندکی اوتلده مطبوعات منسوبلارینا دانیشان اوکتای، "بین الخالق جمعیت تأسف کی بو سحر تک ووجود اولمامیشدیر. سون دقیقهدکی امیر ایله بعضیلری ایتالیان ائو صاحبلیگینی سوی-ایستیفاده ائدهرک پروسه'یه تک طرفلی موداخیله ائتمیشدیر. بعضی اؤلکهلرین پروسسی اؤز ماراقلاری ایستیقامتینده باشاریسیزائتمهیه چالیشمالاری داوام ائتدیگی مدتده لیبیده ثابتلیک اولا بیلمز." ایفادهسینی ایستیفاده ائتدی.
صاباح: "ایستانبول هاوا لیمانیندان 15 مین نفر اوچوب"
تورک هاوا یوللاری 31 اوکتوبر تاریخی اعتباریله اوچوشلارا باشلادیغی ایستانبول هاوا لیمانیندان بو گونه قدر 15 مین یواجونون داشیدیغی ایلین سونونا قدر ایسه 43 مین نفرین بیلت رزرواسیون ائتدیردیگینی آچیقلایب.
حرّیت: "تورک بالی ان چوخ آلمانیایا ساتیلیب"
تورکیه، ایلین ایلک 10 آییندا، 21 میلیون 785 مین 623 دولارلیق بال ایخراج ائدیب. بال خاریجی آلوئرینده 2 مین 207 تونلا آلمانیا ایلک سیرادا یئر آلدی. بو اؤلکهیه حیاتا کئچیریلن ایخراجدان 10 میلیون 116 مین 939 دولار گلیر الده ائدیلیب. بو دؤورده آمریکا 5 میلیون 36 مین 125 دولار، ایسپانیایا 1 میلیون 324 مین 16 دولار، سعودی عربیستانی ایسه 1 میلیون 280 مین 415 دولارلیق بال ساتیلیب.
خبر تورک: "تورکیه 97 مین اجنبییه ایش قاپیسی اولدو"
عائله، امک و سوسیال خیدمتلر ناظیرلیگی طرفیندن بو ایلین ژانویه-اوکتوبر آیلاریندا 97 مین اجنبییه ایش ایجازهسی وئریلیب. چالیشما ایجازهسی وئریلنلر آراسیندا سوریه، گورجوستان، قیرغیزیستان، اوکراین، چین و تورکمنیستان اصیللیلر سایجا اؤن سیرالاردا یئر آلدی. فینلاندیادان مکزیکه، ژاپوندان برزیل'یه، استونیادان پرویا قدر دونیانین دؤرد بیر یانیندان اینسانا ایش قاپیسی اولان تورکیهیه، 165 موختلیف اؤلکه وطنداشینجا چالیشما ایجازه سی مراجعتی کئچیریلیب.
ایستار: "بئشیکتاش راحت قازاندی"
بئشیکتاش قادین والیبال تیمی، CEV Challenge شامپیونلوغونون ایکینجی سئچمه تورو ایلک اویونوندا کوسووو نمایندهسی کاستریوتی-نی 3-0 مغلوب ائدیب. دؤنوش قارشیلاشماسی 15 نوامبر جمعه گونو (صاباح) بورحان فلک والیبال سالونوندا کئچیریلهجک.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719005405)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.