تورکیه مطبوعاتی اؤزتی 08.11.2018
مارگاریتیس شیناس، گوندهلیک مطبوعات کونفرانسیندا آنادولو آژانسی موخبیرینین "آی کومیسیونونون گئنیشلنمهدن مسئول عضوو یوهانس هان تورکیه ایله دانیشیقلارین دایاندیریلماسی لازیم اولدوغونو ایفاده ائتدی
![تورکیه مطبوعاتی اؤزتی 08.11.2018](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1718911642)
تورکیه مطبوعاتی اؤزتی 08.11.2018
خبر تورک: "ناظیر آکاردان آمریکانین پ.ک.ک چته'باشلاری قراری ایله باغلی آچیقلاما"
میللی ساوونما ناظیری حولوصی آکار، آمریکا خاریجی ایشلر ناظرلیگینین، بؤلوچو ترور تشکیلاتی پ.ک.ک-نین اوچ یوکسک سویهلی آدینی، "عدالت اوچون موکافات" پروقرامی چرچیوهسینده تسلیم ائدنلره موکافات وئرجگینه یؤنهلیک قرارینی مثبت قیمتلندیردیگینی آنجاق بونون "گئج آلینمیش بیر قرار" اولدوغونو بیلدیریب. آکار، آمریکا-دان، بؤلوچو ترور تشکیلاتی پ.ک.ک-یا قارشی داورانیشینی، اوندان هئچ بیر فرقی اولمایان یپگیئ قارشی دا گؤسترمهسینی گؤزلدیکلرینی دئییب.
حریت: "آوروپا بیرلیگیندن تورکیهنین عضولوک پروسه'سینه دستک"
آوروپا بیرلیگی، تورکیه ایله قاتیلیم موذاکیرهلرینین داوام ائتدیریلمهسینی دستکلدیگینی آچیقلاییب. آوروپا کومیسیونونون سؤزچوسو مارگاریتیس شیناس، گوندهلیک مطبوعات کونفرانسیندا آنادولو آژانسی موخبیرینین "آی کومیسیونونون گئنیشلنمهدن مسئول عضوو یوهانس هان تورکیه ایله دانیشیقلارین دایاندیریلماسی لازیم اولدوغونو ایفاده ائتدی. بو، آوروپا بیرلیگی کومیسونونون رسمی فیکرینی عکس ائتدیریر می"؟ سوالینا جواب وئریب. آوروپا بیرلیگی کومیسونونون رسمی فیکرینین "یالنیز و یالنیز" پرزیدنت ژان کلود یونکر طرفیندن دیله گتیرجگینی وورغولایان شیناس، " آوروپا بیرلیگی کومیسونونون رسمی فیکرینی تورکیه ایله قاتیلیم دانیشیقلارینین داوام ائتدیریلمهسی ایستیقامتیندهدیر". دئدی.
وطن: "تورکیه او شورادا یئر آلاجاق"
تورکیه، دوبی'ده کئچیریلن بین الخالق تلکومونیکاسیون بیرلیگینین شورا سئچیملرینده 146 اؤلکهنین سسینی آلاراق عضولویه حاق قازاندی. خاریجی ایشلر ناظیرلیگیندن ائدیلن یازیلی آچیقلامادا، قلوبال میقیاسدا کومونیکاسیون شبکهلری و خیدمتلری آراسیندا علاقهلندیرک تامین ائتمگی هدفلهین بیرلشمیش میللتلر (بمت) ایختیصاص قورولوشو شورا عضولوگو سئچیملرینین 5 نوامبر 2018ده دوبی'ده کئچیریلدیگی خاطیرلادیلیب. آچیقلامادا، "سئچیملرده تورکیه، 146 اؤلکهنین سسینی آلاراق بئشینجی دفعه ایختیصاص قورولوش شورا عضولوگونه لاییق گؤرولموشدور". ایفادهسی ایستیفاده ائدیلدی.
سحر: "هاوا یولو یولجو ساییسی 10 آیدا 183 میلیونا یاخینلاشدی"
تورکیه ایچینده بو ایلین اوکتوبر آیی سونو اعتباریله هاوا یولو ایله 182 میلیون 709 مین 862 یولجویا خیدمت گؤستریلیب. دولت هاوا میدانلاری ایشلتمهسی (دهمی) باش ایدارهسی، اوکتوبر آیینا دایر هاوا یولو، اوچاق یولجو و یوک ایستاتیستیکلرینی آچیقلادی. بونا گؤره، اوکتوبردا هاوا لیمانلارینا ائنیش-قالخیش آپاران اوچاق ساییسی ایچ خطلرده 75 مین 583، خاریجی خطلرده ایسه 61 مین 332 اولوب.
ایستار: " Indo Defenceسرگیسینده نومایشه چیخان پلنگ م.ت سرگینین اولدوزو اولدو"
Indo Defence سرگیسی دونن ایندونزیه'ده باشلادی. FNSS فیرماسینین ایندونزی فیرماسی PT Pindad ایله بیرلیکده تورکیهده یارادیب اینکیشاف ائتدیردیگی اورتا آغیرلیق کورسونداکی تانک پلنگ م.ت سرگیده یئنی بیر آدلا یئر آلدی. ایندونزی'ده قبول تستلرینی اوغورلا کئچن تانکین سری اوره تیم آدی "هاریماو" اولدو. سرگینین ان دقت چکن و گئنیش ساحهلریندن بیرینده نوماییش ائتدیریلن محصول، زیارتچیلرین مرکز نقطهسی اولدو.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718911642)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.