تورکیه مطبوعاتی اؤزتی 03.10.2018
جمهور باشقانی سمفونی اورکستری کونسرت مؤوسومونو دونیا پرمیئراسی آچاجاق
![تورکیه مطبوعاتی اؤزتی 03.10.2018](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1718923142)
تورکیه مطبوعاتی اؤزتی 03.10.2018
صاباح: "اردوغاندان اهمیتلی آچیقلامالار"
تورکیه جمهور باشقانی رجب طیب اردوغان، ایدلیبده رژیم ایله موخالیفلر آراسینداکی تهلوکهسیز بؤلگه قراری سایهسینده بؤیوک بیر قیرغین و تورکیهیه یؤنهلیک گؤچ دالغاسینین قارشیسینی کئچیلدیگینی دئییب. اردوغان، پارتیسینین تورکیه بؤیوک میللت مجلیسی قروپ توپلانتیسیندا ائتدیگی چیخیشیندا، "فراتین شرقینده ترور ایشغالینی سون قویماغا قرارلیییق." دئدی.
یئنی شفق: "چاووش اوغلو: مونبج'دن ی.پ.گ-نین تامامیله چیخارما زامانی گلدی"
خاریجی ایشلر ناظیری مولود چاووش اوغلو، سوئیسده کئچیریلن غربی بالکانلار ایستراتژیک دیالوق لیدرلر توپلانتیسینین آردیندان گوندمه دایر بیاناتلار وئردی. چاووش اوغلو، "آرتیق مونبیج'دن ی.پ.گ-لیلرین تامامیله چیخاریلماسی و مونبیجین یئرلی اینسانلارینا بوراخیلماسی، ایداره ائتمه باخیمیندان دا امنیت بیریملری باخیمیندان دا بوراخیلماسینین واختی کئچمیشدیر." ایفادهلرینی ایستیفاده ائتدی. ناظیر چاووش اوغلو، راضیلیغین آمریکا ایله حرفی حرفینه حیاتا کئچیریلمهسی لازیم اولدوغونون وورغولایاراق، "اونلاردان قایناقلانان بیر گئجیکمه اولدو، اما تامامیله پیس ایشلییر، یا دا هئچ ایشلمیر دئمک" اولماز. دئیه دانیشدی.
حرّیت: "تورکیه ایله روسیا آراسیندا بیر ایلک
تورکیه، روسیادان ایلک دفعه روس روبل'ی ایله بوغدا آلاجاق. روسیا مرکزلی سووئکون آنالیتیک-اینفورماسیون مرکزیندن ائدیلن آچیقلامادا، تورکیهنین، روسیادان روبل ایله 30 مین تون یوکسک پروتئین بوغدا آلاجاغی قئید اولونوب. بوغدا اوچون تون باشینا تخمینن 17 مین روبل اؤدنه'جگینی قئید ائدیلدیگی آچیقلامادا، میللی پوللارلا تیجارت سایهسینده طرفلرین پول دییشیکلیگی سببیله ایتکیلرینین آزالدیلاجاغینا ایشاره ائدیلیب.
وطن: "تورک سدّی بیتیر! تام 144 کیلومتر".
ایران-تورکیه سرحدینده تیکینتیسی داوام ائدن 144 کیلومترلیک دیوارین 88 کیلومترلیک حیسهسی تاماملانیب. دونیانین ان اوزون اوچونجو دیواری اولان تورک سدّینین هوندورلوگو یئر یئر 3 متر اولاجاق. بؤلگهدکی ایشلرین تاماملانماسینین آردیندان تورکیه، ایران سرحدینده ترورا و قاچاقچیلیغا دور دئیهجک. دیوار هؤرمه ایشلری داوام سرحد خطینه، موشاهیده قوللهلری، کامرا سیستملری، نیظامی فوروپلارین پاترول آتماسی مقصدیله امنیت یولو دا اینشا ائدیلیر.
ایستار: " جمهور باشقانی سمفونی اورکستری کونسرت مؤوسومونو دونیا پرمیئراسی آچاجاق"
تورکیه جمهور باشقانی سمفونی اورکستری، 4-5 اوکتوبردا ترویا-دان چاناققالا آدلی دونیا پرمیئرا کئچیریلهجک اثرله 2018-2019 کونسرت مؤوسومونو آچاجاق. پرزیدنت سمفونی اورکستردن ائدیلن یازیلی آچیقلامایا گؤره، دونیادا ایلک دفعه 4-5 اوکتوبردا سسلندیریلهجک حسن اوچارسو-نون "ترویا-دان چاناققالا" اثری، 2018-2019 کونسرت مؤوسومونده جمهور باشقانی سمفونی اورکستری کونسرت سالونوندا صنعتسئورلرله گؤروشهجک. ترویا-نین بیرلشمیش میللتلر تحصیل، علم و مدنیت تشکیلاتی (یونسکو) دونیا مدنیت میراث سیاهیسینا گیریشینین 20نجی ایلده، 2018-جی ایلین مدنیت و توریزم ناظیرلیگی "ترویا ایلی" اعلان ائدیلمهسی موناسیبتیله اثر، جمهور باشقانی سمفونی اورکستریسی'نین ایستگی اوزرینه بسته'لنیب. اثرین متنی ایسه، تورک شاعر محمت عاکیف ارسویون "چاناققالا شهیدلرینه" شعری اساس آلیناراق یارادیلیب.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718923142)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.