تورکیه مطبوعاتی اؤزتی 03.09.2018
قطر دولتینین 15 میلیارد دولارلیق حملهسیندن سونرا اؤلکهنین اؤزل سکتورو ده مسیری تورکیهیه چئویردی
تورکیه مطبوعاتی اؤزتی 03.09.2018
وطن: "قطرلی 5 هولدینگ تورکیهده یاتیریما باشلادی"
قطر دولتینین 15 میلیارد دولارلیق حملهسیندن سونرا اؤلکهنین اؤزل سکتورو ده مسیری تورکیهیه چئویردی. اؤلکهنین 5 اؤنملی هولدینگی ایلک فازادا 300 میلیون دولار اوچون دویمهیه باسدی. قطر هولدینگ، اسا، نورا رشید ال دوسوری، ال سومیتی و رشید ال کوبیسینین یاتیریملارینی ایداره ائدن رویال لینک شیرکتینین باش دیرکتورو احمد حسین احمد حسن، قطرده سرمایهدارلارلا مشغول اولاجاق بیر اوفیسین یارادیلماسی وضعیتینده، اؤزل سکتوردان تورکیهیه گلهجک یاتیریمنین 50 میلیارد دولارا چاتاجاغینی سؤیلهدی.
یئنی شفق: "بورساداکی اوتوموبیل شیرکتلرینین منفعتی 25% آرتیب"
بورسا ایستانبولدا اوتوموبیل سکتوروندا فعالیت گؤسترن 8 شیرکتین عمومیتذه دقیق منفعتی ایلین ایلک یاریسیندا اوّلکی ایلین عینی دؤورونه نیسبتن یوزده 25 آرتاراق 1 میلیارد 748.7 میلیون تورک لیرهسینه (تل) چاتیب. اوتوموبیل شیرکتلرینین عمومی فعالیتلری ایکینجی چئیرکده 42 میلیارد تورک لیرهسینه یاخینلاشاندا، اؤز قایناقلاری ایسه 10 میلیارد تورک لیرهسینی آشدی.
ایستار: "میللی هلیکوپترین اوچاجاغی تاریخ معلوم اولدو"
تورکیهنین ایلک اوریژینال هلیکوپتری تی-625، موتورو تستینه باشلاییب، پروانهلری ایلک دفعه دؤندو. دیزاینی و اوره تیمی یئرلی اولان هلیکوپترین ایلک اوچوش گونو ایسه 6 سپتامبر. تی-625 هلیکوپتری، چتین ایقلیم و مکانلاردا، یوکسک ایرتیفادا، یوکسک ایستیلیگده، گئجه و یا گوندوز، هر جور شرایطده وظیفه یئرینه گتیره جک شکیلده اینکیشاف ائتدیریلیب. هلیکوپترین دیزاینیندا و اوره تیمینده ایسه میللی قایناقلار ایستیفاده ائدیلیب. بوندان باشقا، هلیکوپتر گئنیش بیر وظیفه پلانی ایله تجهیز اولدو. هلیکوپترین داشیما، یوک، آراما قورتارما، ساحیل اؤته سی داشیما، هاوا آمبولانسی ماشینی کیمی بیر چوخ ساحهده ایستیفاده ائدیلمهسی پلانلاشدیریلیر.
صاباح: "دونیانین ان یاخشی 7 یوروش مسیریندن بیری تورکیهده"
موغلانین فتحیه شهریندن آنتالیایا اوزانان 540 کیلومترلیک دونیانین ان یاخشی 7 اوزون مسافه یوروش مسیریندن بیری قبول ائدیلن لیکیا یولو، قوناقلارینا بنزرسیز منظرهلری تاریخی درینلیک وئریر. اؤلوده منظرهسیله باشلایان تاریخی یول، طبیعت معجزهلری آراسیندا زامان تونلیندن کئچیرمیش حیسی دوغورور. فتحیه ایله آنتالیا آراسیندا آغدنیزینه دوغرو اوزانان تکه یاریماداسی، تاریخده لیکیا آدی ایله آدلانیردی. یاریمادادا بعضن داغلارین هوندور نقطهلریندن، بعضن نفس کسیجی چیمرلیکلردن، بعضن ده آنتیک شهرلردن کئچن ایشارت لنمیش یوللارا لیکیا یولو دئییلیر.
خبر تورک: "آنتالیا توریزمینده آوقوست رکوردو"
آنتالیا، آوقوست آییندا توریزمده بوتون زامانلارین رکوردونو قیردی. اؤتن آی (آوقوست) شهره گلن توریست ساییسی 2 میلیون 150 مین 448 نفر اولوب. 1 ژآنویه-31 آوقوست تاریخلری آراسیندا شهره گلن توریست ساییسی ایسه 30 آوقوست اعتباریله 9 میلیون 62 مین نفر اولوب. شهره 2018 ایلی جمعینده 14 میلیون توریست گلمهسی گؤزلنیلیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.