تورکیه مطبوعاتی اؤزتی 15.08.2018
واندا اورارتولارین آیاق ایزینه راست گلیندی
تورکیه مطبوعاتی اؤزتی 15.08.2018
حریت: "پرزیدنت اردوغاندان فلاش سؤزلر: "آمریکانین الکترونیک محصوللارینا بایکوت تطبیق ائدجگیک"
تورکیه جمهور باشقانی رجب طیب اردوغان، تورکیهنین آمریکانین الکترونیک محصوللارینا بایکوت تطبیق ائدجگینی دئییب. اردوغان، سیاست، ایقتیصادی و توپلوم آراشدیرمالاری فوندو طرفیندن (SETA) آنکارا تیجارت اوداسی (ATO) کونگرسیومدا کئچیریلن "حاکمیتینین 16-جی ایلده عدالت و قالخینما پارتیسی سمپوزیوموندا آمریکانین تحریم قرارینی دیرلندیرهرک بوتون تدبیرلری آلدیقلارینی و آلماغا داوام ائدهجکلرینی سؤیلهدی.
خبر تورک: "بینالی ییلدیریم: تورکیه بو بحراندان اوغورلا چیخاجاق"
تورکیهده یئرلشن سفیرلرله بیر آرایا گلن تورکیه بؤیوک میللت مجلیسی باشقانی بینالی ییلدیریم، "تورکیه سیاسی حسابلارلا آپاریلان ایقتیصادی ایصرارلارا باغلیدیر. تورکیه بو بحراندان اوغورلا چیخاجاق. دولار کورونداکی دالغالار تورکیهنین ایقتیصادی گؤستریجیلری ایضاح ائدیلمیر. بو پروسهلرین اساسی ایقتیصادی دئییل، سیاسیدیر". دئدی.
وطن: "ناظیر آلبایراک خاریجی یاتیریمچیلارلا گؤروشهجک"
خزینه و مالیه ناظیری آلبایراک، صاباح خاریجی یاتیریملارلا بیر تلکونفرانس کئچیرهجک. آلبایراک، سون ایقتیصادی پروسهلردن سونرا قلوبال یاتیریملارا مساژلارینی بیرباشا چاتدیراجاق. تلکونفرانس، آمریکا، آوروپا و یاخین شرقدکی یاتیریملار باشدا اولماقلا دونیادا 750-1000 قاتیلیمچینین ایشتیراک ائتمهسی گؤزلنیلیر.
صاباح: " تورک هاوا یوللاری، آمریکا مرکزلی قوروملارا رکلام وئرمیه جگینی آچیقلاییب"
تورکیهنین ان اؤنملی شیرکتلری آمریکا قارشی رکلام تحریمی کامپانیاسینا دستک وئریر. تورک تلکومونیکاسیون سونرا تورک هاوا یوللاریندان دا بیر آچیقلاما گلدی. تورک هاوا یوللاری، آمریکا مرکزلی شیرکتلره رکلام وئرمیه جگینی آچیقلاییب. تورک هاوا یوللاری مطبوعات موشاویری یحی اوستون، سوسیال مئدیا حسابیندان آپاردیغی پایلاشیمدا، " (#ABDyeReklamVerme) تورک هاوا یوللاری اولاراق دولتیمیزین و میللتیمیزین یانیندا یئر آلیریق. مسئله ایله باغلی لازیمی تعلیماتلار اورقانلاریمیزا وئریلمیشدیر." ایفادهلرینی ایستیفاده ائتدی.
ایستار: "واندا اورارتولارین آیاق ایزینه راست گلیندی"
تاریخی وان قالاسی یاخینلیغیندا، ایستانبول اونیورسیته سی ادبیات فاکولتهسی وان بؤلگهسی تاریخ و آرکولوژی تدقیقات مرکزینین دیرکتورو دوکتور ارکان کونیار رهبرلیگی آلتیندا قازینتی ایشلرینده اورارتولارین آیاق ایزینه راست گلیندی. کونیار، 26 سانتیمتر اوزونلوغوندا و 36 نؤمره اولدوغو معین ائدیلن آیاق ایزینین اولدوغو یئردن کسیلهرک آلیندیغینی و لابوراتوواردا لازیمی تحلیللرین آپاریلماسیندان سونرا موزه یه تحویل وئریله جگینی دئییب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.