تورکیه مطبوعاتی اؤزتی 14.08.2018
کالین: تورک ایقتیصادینین بونیه سی محکمدیر
تورکیه مطبوعاتی اؤزتی 14.08.2018
ایستار: "اردوغان: تورکیه ایقتیصاددا بیر محاصیره ائتمکله قارشی-قارشییا"
تورکیه جمهور باشقانی رجب طیب اردوغان دونن پرزیدنت کومپلکسینده 10-جی سفیرلر کونفرانسی قاتیلیمچیلارینا وئریلن سحر یئمگینده چیخیشیندا آمریکانین پرزیدنتی دونالد ترامپین تحریم قرارلاری آلاراق اؤزباشینالیق ائتدیگینی وورغولاییب. اردوغان، تورکیهنین سون ایللرده الده ائتدیگی اولوسلار آراسی غلبهلر سببیندن هدفه آلیندیغینی ایفاده ائدهرک، سون زامانلار تورکیهنین دیگر ساحهلرده اولدوغو کیمی، ایقتیصاددا دا بیر قوشاتما ایله قارشی-قارشییا اولدوغونو بیلدیریب.
خبر تورک: "کالین: تورک ایقتیصادینین بونیه سی محکمدیر"
پرزیدنت سؤزچوسو ایبراهیم کالین سوسیال مئدیا حسابیندان ایقتیصادی اینکیشافلا باغلی مساژلار پایلاشدی. کالین پایلاشدیغی مساژدا بو ایفادهلری ایشلتدی: "خزینه و مالیه ناظیرلیگی، مرکزی بانکی، بددک، ایسپک و دیگر قوروملاریمیز، مالیه ثابتلیک اوچون لازیمی آددیملاری آتیرلار. تورک ایقتیصادینین بونیه سی محکمدیر. کیمسه اسپکولاسیون خبر و حرکاتلارا اعتبار ائتمهسین. تورکیه بو پروسهدن محکملنهرک چیخاجاق".
صاباح: "خاریجی ایشلر ناظیری مولود چاووش اوغلودان تورکیهیه یاتیریم چاغیریشی"
خاریجی ایشلر ناظیری مولود چاووش اوغلو، 10ونجو سفیرلر کونفرانسینین آچیلیش دانیشماسینداکی چیخیشیندا، بو گون تورکیه دئمک اولار کی، یاریسی آوروپا قارهسینده اولماقلا موختلیف قارّهلردن عمومیلیکده 74 اؤلکهدن اولوسلار آراسی یاتیریم آلیر. داها آرتیغینی اؤلکهمیزه جلب ائتمک اوچون بیرلیکده ایشلمهیه داوام ائدجگیک. بوتون دونیا اؤلکهمیزه سرمایه قویماغا بورادان بیر داها دعوت ائدیرم. هر جور کامپانیا، گؤرونتو عملیاتی، دونیانین ایچیندن کئچدیگی چتین سیناقلارا باخمایاراق، تورکیه بو گون سرمایه قویماق اوچون ان اعتبارلی، ان دوغرو آدرسلردن بیریدیر" دئدی.
یئنی شفق: "آلبایراک: آلمانیانین آچیقلاماسیندان ممنونلوق دویدوق"
خزینه و مالیه ناظیری برات آلبایراک، "آمریکادا تورکیهیه قارشی سون ایشلره موناسیبتین آلمانیا ایقتیصاد ناظیرینین آچیقلامالاریندان ممنونیت دویدوم" دئدی. آلبایراک، "یاخشی نیت و دیپلوماسی ساوونان سیاسیلر، آلمانیا و آوروپا بیرلیگی ایله علاقهلریمیزه تورک خالقینین اعتبارینی گوجلندیرهجک" ایفادهسینی ایستیفاده ائتدی". آلمان حکومتی، "تورک ایقتیصادینین ثابت اولماسی بیزیم ده ماراغیمیزا، پروسهلری ایزلییریک" آچیقلاماسی ائتمیشدی.
حریت: "عراقلی توریستلر ان چوخ تورکیهنی ترجیح ائدیر"
تورکیه، تاریخی و طبیعی گؤزللیکلری ایله هر کئچن گون عراقلی توریستلرین داها چوخ دقتینی چکیر. عراقین خصوصیله جنوب ویلایتلردن کرکوک و اربیل گلهرک، توریزم شیرکتلرینین تشکیل ائتدیگی تورلارا ایشتیراک ائدن و تورکیه نی ترجیح ائدن توریست ساییندا گونو-گوندن آرتیم باش وئریر. کرکوکده فعالیت گؤسترن بیر توریزم فیرماسینین تشکیلاتچیسی هیدایت مهدی، ژوئندن بو یانا یالنیز کرکوکدن گونده ان آز 500 توریستین تورکیهیه گئتدیگینی دئییب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.