تورکیه مطبوعاتی اؤزتی 29.05.2018
صاباح: "تورکیه، ایرانی ۲ گللا گئچدی"
استار: "دونیانین ان بؤیوک هاوا لیمانین‌دا ایلک تست ائدیلدی"
ایستانبول‌دا اینشاسی داوام ائد‌ن یئنی هاوا لیمانین‌دا پیست تست ائدیلدی، ایلک پاس کئچیش گرچلشدی. یئنی هاوا لیمانین‌دا بیتن پیست اوچون ترافیک جیهازلارینین تستلری اوچون پیستین اوزرین‌ده سسنا اوچاغی ایلک کنترل اوچوشونو ائتدی. سسنا تیپی اوچوش کنترل اوچاغی، بیتن ۳ مین ۷۵۰ متر اوزونلوغون‌دا و ۶۰ متر ائنینده‌کی پیستین پاس گئچیش آنی بؤیوک ماراق گؤررکن سیستملرین دوزگون چالیشدیغی و پیستین اوچوشا حاضر اولدوغو بیلدیریلدی.
خبر تورک: "آنتالیادا هتللر ژوئن آییندا یوزده یوز دولولوغا چاتدی"
تعطیلچیلر ۲۴ ژوئن سئچیمین‌دن اول ۳،۵ گونلوک رمضان بایرامی تعطیلین‌ده توریزم بؤلگه‌لرینه آخین ائد‌جک. توریزم سئکتورو تمثیل‌چیلری، رمضان بایرامی تعطیلی اوچون باش‌دا آنتالیا اولماقلا، اژه‌ده ده بودروم، چشمه، مارماریس، قوش آداسی کیمی تعطیل بؤلگه‌لرینه چوخ طلب اولدوغونو آچیقلادی. خصوصاً خاریج‌دن توریستلرین بؤیوک ماراق گؤستردیگی آنتالیادا رمضان بایرامی دؤورون‌ده هتللرده یوزده یوز دولولوق گؤزلنیلیر.
وطن: "عرب آکتیویستلردن تورکیه توریزمینه دستک کامپانیاسی"
عرب آکتیویستلر، تورکیه توریزمینه دستک اوچون تویترده کامپانیا باشلاتدی. قطر، کویت و عمانین اؤنده گلن شخصلری، "یاز تعطیلیمیز تورکیه‌ده داها گؤزل" معناسین‌دا عربجه هشتگ ایله باشلادیلان کامپانیا، یای تعطیلینین تورکیه‌ده گئچیریلمه‌سینی تشویق ائتمه‌یی هدفلییر.
یئنی شفق: "مانگالا آوروپا شامپیوناسینا تورکیه ائو صاحب‌لیگی ائد‌جک"
مانگالا فدراسیونونون تشکیل ائتدیگی آناتولیا اوپن ۲۰۱۸ ذکا اویونلاری فستیوالی، ۷ فرق‌لی اؤلکه‌دن (تورکیه-قازاقیستان-قیرقیزیستان-روسیا-پاکیستان-موغولیستان-غنا) ۲۰۰ دولاییندا اویونچونون ایشتیراکی ایله آنتالیادا دوزنلنه‌جک.
صاباح: "تورکیه، ایرانی ۲ گللا گئچدی"
تورکیه میللی فوتبال تیمی، حاضرلیق اویونون‌دا ایرانلا قارشی قارشییا گلدی. تورکلر، رقیبی جنک توسونون گللاری ایله ۲-۱ مغلوب ائتدی. ۲۰۱۸ دونیا کاپیندا یاریشاجاق ایرانین تک گلو ایسه ۹۰+۲ده اشکان دژاگه‌دن گلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
