وطن: "ژئوترمال‌دان الکتریک اورتیمینده ایلک ۴ آیدا یوزده ۳۵ آرتیش

ژئوتئرمال الکتریک مرکزی یاتیریملاری درنگی، ۲۰۱۸.جی ایلین ایلک دؤرد آیین‌دا ژئوتئرمال الکتریک مرکزلرین‌دن اورتیله‌ن الکتریک میقدارینین ۲۰۱۷.جی ایلین عینی دؤورو ایله مقایسه‌ده یوزده ۳۵ آرتاراق ۲ میلیارد ۲۵۹ میلیون کیلووات ساعاتا چاتدیغینی بیلدیردی. وئریلن آچیقلامادا، یئنیلنه‌بیلیر و یئرلی بیر انرژی منبعی اولان ژئوتئرمالین الکتریک استحصالین‌داکی پایینین آرتدیغی قید ائدیلدی.

ایستار: "تورکیه‌یه یئنی بیر هاوا لیمانی داها"

باشباخان معاوینی و حکومت سؤزچوسو بکیر بوزداغ، یوزگاتین۲۰۱۹ون ایکینجی دؤورون‌ده سرعت‌لی قاتارا قوووشاجاغینی دئدی. بوزداغ، یوزگات هاوا لیمانینین تملینین ده ۳ ژوئن بازار گونو آتیلاجاغینی آچیقلادی.

صاباح: "تاناپ پروژه‌سینده سونا گلیندی"

آذربایجانین خزر دنیزین‌ده اورتدیگی گازین تورکیه‌یه و آوروپایا داشینماسینی هدفله‌ین ترانس آنادولو گاز بورو خطی پروژه‌سینین (تاناپ) تورکیه‌یه گیریش آیاغی اولان، آرداهان پوسوف‌دا بورو بیرلشدیرمه و قایناق ایشلری تاماملاندی. بورولار تورپاغا باسدیریلدی.

خبر تورک: "تورک قیزیل آیی و قطر خیریه تشکیلاتین‌دان یمنه ۱ میلیون دلارلیق باغیش"

تورک قیزیل آیی و قطر خیریه قورومو آراسین‌دا ایمضالانان امکداش‌لیق پروتوکولو چرچیوه‌سین‌ده، یمن‌ده داوام ائد‌ن انسانی یاردیم فعالیتلری اوچون ۱ میلیون دلارلیق نقد باغیش گرچکلشه‌‌جک. قیزیل آیین ایستانبول‌داکی باش افیسین‌ده گئچیریله‌ن مراسیم‌ده، تورک قیزیل آیی باشقانی کر‌م قینیق ایله قطر خیریه قورومو باش مودورو فیصل راشد الفهیدا امکداش‌لیق پروتوکولونا ایمضا آتدی.

صاباح: "تورک دونانماسی یئنی تکنولوژیلرله تجهیز ائدیلدی"

ساوونما صنایعی مستشارلیغی، ۲۰۱۷ ایلینی بؤیوک تحویل پروگرامی ایزله‌دی .مستشارلیق طرفیندن ۲۰۱۷ ایلینده ائدیلن تحویللرله گوونلیک گوج‌لرینین ایستیفاده‌سینه یئنی سلاح، آراج و تجهیزات سونولدو. بورا و کا موشکلرینین تست و قبول ایشلری تامام‌لاناراق، ۲۰۰دن چوخ کا موشکی، ۵۰دن چوخ بورا موشکی تحویل وئریلدی. ۲۰۱۷.جی ایلده   ۲۰ ایها/سیها، ۹ ت۱۲۹ آتاک هلیکوپتری، ۵ سیکورسکی اس-۷۰، ۲ ای۴۰۰ام اوچاغی علاوه اولوندو. گوونزلیک قوه‌لرینین ایستیفاده‌سینه ۶۵۰دن آرتیق کبرا II، کیرپی و اژدر یالچین زره‌لی ماشینی سونولدو، دونانمانین گوجو یئنی گمیلرین ایشتیراکی ایله آرتیریلدی.