تورکیه مطبوعاتی اؤزتی 21.05.2018
خبر تورک: "37. تورک گونو یوروشو نیویورکدا کئچیریلیب"
وطن: "اردوغان، سوی-قصد حاضیرلیغی ادعالارینا جواب وئردی"
بوسنی و هرزگووینه بیر گونو سفر ائدن پرزیدنت اردوغان،باشکند سارایبوسنادا دولت باشقانلیگی شوراسی باشقانی بکیر ایزتبگوویج ایله بیر آرایا گلدی. اردوغان و ایزتبگوویج، تکبتک و هیاتلر آراسی دانیشیقلارینین سونرا بیرگه مطبوعات کونفرانسی کئچیریب. سوی-قصد بیلدیریشی ایله باغلی ایلک دفعه دانیشان اردوغان،" بو خبر منه ده چاتدی. اونون اوچون بوردایام" دئدی.
ایستار: "اردوغان، یورد خاریجینده یاشایان تورکلره موژدهلری بوسنی و هرزگووینده سیرالادی"
دولت باشقانی رجب طیب اردوغان، سارایبوسنا-دا آوروپالی تورک دموکراتلار بیرلیگینین 6-جی نؤوبتی باش مجلیسینده دانیشدی. اردوغان، "یاشادیغینیز اؤلکهلرین وطنداشلیغینی موطلق آلین. "آلمام" دئمیین، آلین. وئریرلرسه آلین. ایکیلی وطنداشلیغا ایجازه وئرن اؤلکهلرده ائله بیر پروبلم یوخدور. بو مسئلهده فرقلی رژیمی اولان اؤلکهلر اوچون ماوی کارت باشدا اولماقلا، تورکیهدکی حاقلارینیزی هئچ بیر ایتکی اولمادان ایستیفاده ائده فورموللار اینکیشاف ائتدیرمیشیک" دئدی. اردوغان، "ارز عسگرلیگی ایله اوردودا 6 مین آورودان مین آورویا سالماقلا قالمادیق، 38 یاشینی آشمیش آنجاق ارز ایله سفربرلگیه مراجعت ائتممیش اینسانلارین پروبلملرینی ده تئزلیکله حل ائدیریک" دئدی.
سحر: "ایلدیریم: دوش قیریقلیغینا اوغرادیق".
باشباخان بینالی ییلدیریم، یونانیستانین هفتهلیک قزئتلریندن "تو ویما" قزئتینه دانیشدی. ییلدیریم، فتح الله ترور تشکیلاتی پارالل دولت قوروجولوغو (فئتؤ/پ.د.ی) نین 15 ژوئیه 2016داکی اوغورسوز خائین کودتا گئجهسی یونانیستانا قاچان 8فئتؤ/پ.د.ی-لیلر اوچون، "یونان عدلیهنین قرارلاریندان دوش قیریقلیغینا اوغرادیق. چونکی بو شخصلر گوناهسیز اینسانلارین حیاتینی ایتیرمهسینه، معصوم اینسانلارین یارالانماسینا یول آچیب اولان دولت چئوریلیشی تلاشیندا فعلی اولاراق یئر آلدیلار. مجلیسی بومبالادیلار. سئچیلمیش پرزیدنتینی هدف آلدیلار. دموکراتیک شکیلده سئچیلمیش حکومتی دئویرمهیه نائل اولا بیلمدیکلرینی گؤردوکده دا بو 8 نفر هلیکوپتر ایله غیری-قانونی بیر شکیلده قاچدی. اصلینده یونان عدالتی، بین الخالق حقوق پرینسیپلرینه ضد بیر شکیلده بونلاری جزاسیز بوراخدیغی کیمی قوربانلارین دا حاقلارینی پوزموشدور. "دئدی.
یئنی شفق: "یات توریزمی اوچون پروسهدورلار سادلشدیریلیب
اولاشدیرما، دنیزچیلیک و خبرلشمه ناظیری احمد آرسلان، تورکیه آغدنیزینین ان اؤنملی یات توریزم مرکزلریندن بیری حالینا گتیرمک مقصدیله بوروکراسینین دئمک اولار کی، صیفیرا ائندیریلدیگینی بیلدیرهرک، یاتلارین تورکیهیه گیریشلرینده 1-1،5 گون داوام ائدن ساغلیق عملیاتلارینی 5 دقیقهیه گؤندردیکلرینی دئییب. آسلان،تورکیهنین یات توریزمینده آغدنیزین اوغراق مرکزلریندن بیری اولماسی اوچون اؤنملی ایشلر گؤردوکلرینی ایفاده ائدهرک، آغدنیزی چاناغیندا 1 میلیونون اوزرینده یات اولدوغونو دئدی.
خبر تورک: "37. تورک گونو یوروشو نیویورکدا کئچیریلیب"
آمریکانین نیویورک شهرینده عنعنوی حالا گلن تورک گونو یوروشو، بو ایل تورک سیلاحلی گوجلرینه حصر ائتدی. تورک آمریکان درنکلری فدراسیونو طرفیندن بو ایل 37.سی کئچیریلن یورویوشه، تورک جمعیتینین نمایندهلری و نیویورک آتاتورک مکتبیندن اؤیرنجیلر ده عنعنوی پالتارلارلا قاتیلدی. یورویوش، منهتندا، مئدیسون کوچهنین ایله 53-جی کوچهنین دیبینده باشلادی و بمت یاخینلیغیندا باشا چاتیب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.