تورکیه مطبوعاتی اؤزتی 10.04.2018
دولت باشقانی رجب طیب اردوغان، روسیا پرزیدنتی ولادیمیر پوتین ایله تلفوندا گؤروشوب
تورکیه مطبوعاتی اؤزتی 10.04.2018
وطن: "اردوغان، پوتین ایله شرق غوطه‌نی گؤروشوب
دولت باشقانی رجب طیب اردوغان، روسیا پرزیدنتی ولادیمیر پوتین ایله تلفوندا گؤروشوب. گؤروشده ایکیطرف‌لی علاقه‌لره یاناشی، سوریه‌دکی سون حادثه‌لر موذاکیره اولونوب. پرزیدنت اردوغانین دوما و شرق غوطه‌دکی سالدیری‌لارلا باغلی ناراحات‌لیق‌لارینی دیله گتیردیگی گؤروشمه‌ده، وطنداش اؤلوم‌لری‌نین قارشی‌سی‌نین آلینماسی و اینسانی یاردیم‌لارین چاتدیریلماسی اوچون بیرگه چالیشماغین اؤنمی وورغولانیب.
حرّیت: "19 فیرما 23 پروژه اوچون تشویق ائتدی"
دولت باشقانی رجب طیب اردوغان، بئش تپه میلّت، مدنیت و کونگره مرکزینده، جاری آچیق پروبلمین کؤکون‌دن حلّ ائتمک نیتیله حیاتا کئچیریلن پروژه اساس‌لی تشویق سیستمی ایله 135 میلیارد تورک لیره‌سی یاتیریم دگری اولان 23 یاتیریم جلب ائدیله‌جگینی سؤیله‌دی. اردوغان، انرژی آددیم‌لاری و یوکسک تکنولوژی‌یه اساس‌لانان محصول‌لارین تورکیه‌ده اینکیشاف ائتدیریلمه‌سی جاری آچیق سوالینی کؤک‌دن حلّ ائده‌جک‌لرینی دئییب.
صاباح: "انرژی‌ده 5.2 میلیارد دو‌لارلیق ایمضا"
تورکیه مرکزلی Metcap Energy Investments ایله قطر مرکزلی Fusion Dynamics، تورکیه‌ده جمعی 5.2 میلیارد دو‌لارلیق گاز و نفت-شیمی کومپلکسی یاتیریم اوچون پروتوکول ایمضالادی. تورکیه‌نین پولی پروپیلن و پولیتیلن ایدخا‌لی‌نین یوزده 30ونا قارشی‌لیق گلن بیر میقداری تورکیه‌ده اوره ته‌جکلرینی وورغولایان Metcap Energy Investments صدری دوکتور جلال متین، "بو دا تورکیه‌نین عمومی ایدخالینی تخمینن 1.4 میلیارد دو‌لار آزالدارکن، تورکیه ایقتیصادینا اؤنملی قاتقی وئره‌جک". دئیه دانیشدی.
ایستار: "بورگئون: تورکیه قدر کؤچکونه ائو صاحب‌لیگی ائدن باشقا بیر اؤلکه یوخ‌دور"
بیرلشمیش میللت‌لر عموم دونیا ارزاق و اکینجیلیک و قیدا تشکیلاتی (FAO) عاجیل دوروم و رابیلیتاسیون بؤلوم دیرکتورو دومینیک ایستروسس بورگئون باشچی‌لیق ائتدیگی نماینده هیاتی، FAO و قیدا، اکینچیلیک و حیواندارلیق ناظرلیگی‌نین بیرگه آپاردیغی ایش چرچیوه‌سینده عثمانیه-دکی سوریه‌لی‌لر اوچون اینشاسینا باش‌لانان ایستی‌خانا ساحه‌سینده آراشدیرما‌لار آپاریب. بورگئون، تورکیه‌نین سوریه‌لی قاچقین‌لارا قارشی قوناق‌پرورلیگینی و تلاشلارینی قبول ائدک. تورکیه قدر چوخ سایدا مجبوری کؤچکونه ائو صاحب‌لیگی ائدن باشقا بیر اؤلکه یوخ‌دور. دئدی.
یئنی شفق: "بؤیوک هیجان دوغوردو"
میلاس-یاتاغان یولوندا اولان بیر یاماجدا، اؤلکه‌میزین ان گؤزل ماغارالاریندان اولان و میلاس-ین پارلایان اولدوزو اینجیرلی-یین ماغاراسینا برابر یئنی بیر ماغارا کشف ائدیلدی. ژئولوژی قورولوشو و سوتون‌لاری دقت چکن ماغارانین، مسئوللاری طرفین‌دن کئچیریله‌جک ایشلرین آردین‌دان میلاس-ین توریزمینه وئریلمه‌سی گؤزلنیلیر. یئنی کشف ائدیلن ماغارا، بؤیوک هیجان دوغوردو. یئر خالقی، تاریخی و توریزم دگرلری اؤن پلانا چیخان میلاس-ا یئنی بیر طبیعت شاه اثری‌نین وئریلمه‌سینی ایستدیک‌لرینی آچیقلاییب.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
